മുംബയ്: വനിതാ പ്രിമിയര് ലീഗില് ഗുജറാത്ത് ജയ്ന്റ്സ് 11 റണ്സിന് ഡല്ഹി ക്യാപിറ്റല്സിനെ കീഴടക്കി.
ആദ്യം ബാറ്റ് ചെയ്ത ഗുജറാത്ത് 20 ഓവറില് 4 വിക്കറ്റ് നഷ്ടത്തില് 147 റണ്സെടുത്തു. മറുപടിക്കിറങ്ങിയ ഡല്ഹി 18.4 ഓവറില് 136 റണ്സിന് ഓള്ഔട്ടാവുകയായിരുന്നു. ജയിച്ചിരുന്നെങ്കില് പോയിന്റ് ടേബിളില് രണ്ടാം സ്ഥാനത്തുള്ള ഡല്ഹിക്ക് പ്ലേഓഫ് ഉറപ്പിക്കാമായിരുന്നു. ടൂര്ണമെന്റിലെ രണ്ടാം ജയം നേടിയ നാലാം സ്ഥാനത്തുള്ള ഗുജറാത്ത് പ്ലേ ഓഫ് പ്രതീക്ഷ നിലനിറുത്തി. പുറത്താകാതെ 33 പന്തില് 51 റണ്സ് നേടുകയും ബൗളിംഗില് രണ്ട് വിക്കറ്റ് വീഴ്ത്തുകയും ചെയ്ത ഗുജറാത്തിന്റെ ആഷ്ലി ഗാര്ഡ്നറാണ് കളിയിലെ താരം.