കേരളത്തിൽ 50-ൽ ഏറെ മണ്ഡലങ്ങളിൽ ത്രികോണ മത്സരം.

On: January 26, 2021

Previous Post: വസ്തുകൈമാറ്റത്തിനുള്ള പ്രമാണ ചെലവ് 12 ശതമാനമാക്കി കേരളം.

Next Post: സിവിൽ സപ്ലൈസ് കോർപ്പറേഷനിൽ അഴിമതി തുടർകഥയാകുന്നു.

ഇനി കൂളായി ചില്ലായി നടക്കാം; ശക്തൻ നഗറിലെ ആകാശനടപ്പാത ശീതീകരണ സംവിധാനത്തോടെ തയ്യാറാകുന്നു

തൃശൂർ: ശക്തൻ നഗറിലെ ആകാശനടപ്പാത (സ്‌കൈ വോക്ക്) ശീതീകരണ സംവിധാനത്തോടെ തയ്യാറാകുന്നു. നടപ്പാതയ്ക്കുള്ളിൽ എയർ കണ്ടിഷനിങ് സംവിധാനം ഒരുക്കുന്നതും വശങ്ങൾക്കു ചുറ്റും ഗ്ലാസും സീലിങ്ങും സ്ഥാപിക്കുന്നതും പൂർത്തിയായി. എയർ കണ്ടിഷനിങ്ങിനൊപ്പം 2 ലിഫ്റ്റുകൾ കൂടി പുതുതായി സജ്ജീകരിച്ചിട്ടുണ്ട്. ഇവ പ്രവർത്തിപ്പിക്കുന്നതിനുള്ള വൈദ്യുതീകരണ ജോലികളും പുരോഗമിക്കുന്നു. ഇതിനായി ട്രാൻസ്‌ഫോമറും ഉടൻ സ്ഥാപിക്കും. അടിയന്തര ആവശ്യങ്ങൾക്കായി ജനറേറ്ററും എത്തിച്ചിട്ടുണ്ട്. 2 മാസത്തിനുള്ളിൽ എല്ലാ മോടിപിടിപ്പിക്കലും പൂർത്തിയാക്കി ആകാശപ്പാത തുറന്നു നൽകാനാണു കോർപ്പറേഷൻ പദ്ധതിയിടുന്നത്. പാത തുറക്കുന്നതോടെ തിരക്കേറിയ ശക്തൻ നഗറിലെ തെരുവുകളിലൂടെയുള്ള കാൽനടയാത്ര അവസാനിക്കുമെന്നാണ് പ്രതീക്ഷിക്കപ്പെടുന്നത്. 38 ലക്ഷം രൂപ ചെലവഴിച്ചാണു സോളർ പ്ലാന്റ് സ്ഥാപിച്ചത്. പാതയ്ക്കുള്ളിലും മറ്റുമായി ഇതിനകം ഇരുപതോളം സിസിടിവി ക്യാമറകളും സ്ഥാപിച്ചിട്ടുണ്ട്. കോർപറേഷന്റെ അമൃത് പദ്ധതിയിൽ ഉൾപ്പെടുത്തി 8 കോടി രൂപയോളം ചെലവഴിച്ചാണു വൃത്താകൃതിയിൽ ആകാശപ്പാത നിർമിച്ചത്. തുടർന്ന് ആദ്യഘട്ടം പൂർത്തിയാക്കി കഴിഞ്ഞ വർഷം ഓഗസ്റ്റിൽ തുറന്നു നൽകി. രണ്ടാംഘട്ട വികസനത്തിന്റെ ഭാഗമായി 50 ലക്ഷത്തോളം രൂപ ചെലവഴിച്ചാണു ആകാശപ്പാത ശീതീകരിക്കുന്നത്.
ഉഷ്ണതരംഗസാധ്യത; തൊഴിൽ സമയക്രമീകരണം ഹൈറേഞ്ച് മേഖലയ്ക്കും ബാധകമെന്ന് ലേബർ കമ്മീഷണർ

തിരുവനന്തപുരം: സംസ്ഥാനത്ത് ഉഷ്ണ തരംഗ സാധ്യത നിലനിൽക്കുകയും പകൽ താപനില ക്രമാതീതമായി ഉയരുകയും ചെയ്യുന്ന സാഹചര്യത്തിൽ വെയിലത്ത് ജോലി ചെയ്യുന്ന തൊഴിലാളികളുടെ ജോലി സമയത്തിൽ ഏർപ്പെടുത്തിയ ക്രമീകരണങ്ങൾ ഹൈറേഞ്ച് മേഖലയിലെ തോട്ടം തൊഴിലാളികൾ ഉൾപ്പെടെയുള്ള എല്ലാ തൊഴിലാളികൾക്കും ബാധകമാ യിരിക്കുമെന്ന് ലേബർ കമ്മീഷണർ അർജുൻ പാണ്ഡ്യൻ അറിയിച്ചു. സംസ്ഥാനത്തെ തൊഴിലാളികൾക്കായി മെയ് 15 വരെ ഏർപ്പെടുത്തിയ തൊഴിൽ സമയ ക്രമീകരണങ്ങളിൽ നിന്നും സമുദ്രനിരപ്പിൽ നിന്ന് 3000 അടി ഉയരമുള്ള പ്രദേശങ്ങളെ ഒഴിവാക്കിയിരുന്നു. എന്നാൽ സംസ്ഥാനത്ത് നിലവിൽ അനുഭവപ്പെടുന്ന ഉഷ്ണ തരംഗത്തിന്റെ വ്യാപ്തി കണക്കിലെടുത്ത് ഈ മേഖലകളിലെ തോട്ടം തൊഴിലാളികൾ അടക്കമുള്ള എല്ലാ തൊഴിലാളികൾക്കും ഉത്തരവ് ബാധകമായി രിക്കുമെന്നും കമ്മീഷണർ വ്യക്തമാക്കി. ഈ മേഖലകളിൽ ഉച്ചക്ക് 12 മുതൽ വെകിട്ട് മൂന്ന് വരെ തൊഴിലാളികൾ വെയിലത്ത് പണിയെടുക്കുന്നത് കണ്ടെത്തിയാൽ തൊഴിലുടമക്കെതിരെ കർശന നടപടി സ്വീകരിക്കും. സംസ്ഥാനത്ത് മുഴുവൻ തൊഴിലിടങ്ങളിലും ഉത്തരവിന്റെ അടിസ്ഥാനത്തിൽ ജില്ലാ ലേബർ ഓഫീസർ, ഡെപ്യൂട്ടി ലേബർ ഓഫീസർ, അസി ലേബർ ഓഫീസർ എന്നിവരുടെ മേൽ നോട്ടത്തിൽ പ്രത്യേക ടീമുകൾ രൂപീകരിച്ച് കർശന പരിശോധനകൾ നടത്തിവരികയാണ് സംസ്ഥാനത്ത് ഫെബ്രുവരി മുതൽ മെയ് 15 വരെ രാവിലെ 7:00 മുതൽ വൈകുന്നേരം 7:00 മണി വരെയുള്ള സമയത്തിൽ എട്ട് മണിക്കൂറായി ജോലി സമയം നിജപ്പെടുത്തി ഉത്തരവായിട്ടുണ്ട്. പകൽ സമയം ജോലി ചെയ്യുന്ന എല്ലാ തൊഴിലാളികൾക്കും ഉച്ചയ്ക്ക് 12 മുതൽ വൈകുന്നേരം മൂന്ന് മണിവരെ വിശ്രമവേളയായിരിക്കും. ഷിഫ്റ്റ് വ്യവസ്ഥയിൽ ജോലി ചെയ്യുന്ന തൊഴിലാളികൾക്ക് ഷിഫ്റ്റുകൾ ഉച്ചയ്ക്ക് 12:00 മണിക്ക് അവസാനിക്കുന്ന തരത്തിലും വൈകുന്നേരം 3 മണിക്ക് ആരംഭിക്കുന്ന തരത്തിലുമാണ് പുനക്രമീകരണം. കൺസ്ട്രക്ഷൻ, റോഡ് നിർമാണം, തോട്ടം മേഖലകളിൽ വരും ദിവസങ്ങളിൽ കർശന പരിശോധന ഉറപ്പാക്കുമെന്നും കമ്മീഷണർ അറിയിച്ചു. ഫോൺ: 9745507225 (ലേബർ പബ്ലിസിറ്റി ഓഫീസർ)
കനത്ത ചൂടിൽ വലയുകയാണോ; കൂടെ കൊണ്ടു നടക്കാൻ കഴിയുന്ന എസി അവതരിപ്പിച്ച് സോണി

പതിവില്ലാത്ത വിധം കൊടും ചൂടാണ് ഇപ്പോൾ അനുഭവപ്പെടുന്നത്. ചൂട് കാരണം പകൽ സമയത്ത് പുറത്തിറങ്ങാൻ കഴിയാത്ത അവസ്ഥയാണിത്. കുടയില്ലാതെ ആർക്കും പുറത്തിറങ്ങാൻ കൂടി കഴിയുന്നില്ല. ഈ പ്രയാസം തിരിച്ചറിഞ്ഞ് ശരീരത്തിൽ ധരിക്കാനാവുന്ന ഒരു എയർ കണ്ടീഷണർ അവതരിപ്പിച്ചിരിക്കുകയാണ് സോണി കമ്പനി. റിയോൺ പോക്കറ്റ് ടാഗ് എന്നൊരു ഉപകരണം കൂടി ഈ എസിക്കൊപ്പമുണ്ട്. ‘റിയോൺ പോക്കറ്റ് 5’ എന്ന് പേരിട്ടിരിക്കുന്ന ഈ ഉപകരണത്തെ ‘സ്മാർട് വെയറബിൾ തെർമോ ഡിവൈസ് കിറ്റ്’ എന്നാണ് കമ്പനി വിശേഷിപ്പിക്കുന്നത്. ഏപ്രിൽ 23 നാണ് സോണി കമ്പനി ഇത് അവതരിപ്പിച്ചത്. കഴുത്തിന് പിറകിലാണ് ഇത് ധരിക്കുക. അഞ്ച് കൂളിങ് ലെവലുകളും നാല് വാമിങ് ലെവലുകളുമാണ് ഇതിനുള്ളത്. ചൂടുകാലത്തും തണുപ്പുകാലത്തും ഈ ഉപകരണം ഉപയോഗപ്പെടുത്താൻ കഴിയുമെന്നതാണ് ഇതിന്റെ സവിശേഷത. തീവണ്ടിയാത്രയ്ക്കിടെയും, ബസ് യാത്രയ്ക്കിടെയും കാൽനടയായി പോകുമ്പോഴുമെല്ലാം ഇത് ഉപയോഗിക്കാം. ചുറ്റുപാടുമുള്ള സാഹചര്യങ്ങൾ തിരിച്ചറിഞ്ഞ് വിവരങ്ങൾ കഴുത്തിൽ ധരിച്ച ഉപകരണത്തിലേക്ക് കൈമാറുകയും താപനില ക്രമീകരിക്കുകയും ചെയ്യുന്ന ഉപകരണമാണ് റിയോൺ പോക്കറ്റ് ടാഗ്. ശരീരത്തിന്റേയും ചുറ്റുപാടിന്റെയും താപനില സെൻസറുകളുടെ സഹായത്തോടെ തിരിച്ചറിഞ്ഞ് സ്വയം പ്രവർത്തിക്കുന്ന ഉപകരണമാണിത്.
439 കോടിയുടെ പദ്ധതി; കരാർ ലഭിച്ചിരിക്കുന്നത് കെ-റെയിലും റെയിൽ വികാസ് നിഗം ലിമിറ്റഡും ചേർന്നുള്ള കൺസോർഷ്യത്തിന്

തിരുവനന്തപുരം: തിരുവനന്തപുരം സെൻട്രൽ റെയിൽവേ സ്റ്റേഷൻ വികസനത്തിനുള്ള കരാർ ലഭിച്ചിരിക്കുന്നത് കെ-റെയിലും റെയിൽ വികാസ് നിഗം ലിമിറ്റഡും ചേർന്നുള്ള കൺസോർഷ്യത്തിന്. 439 കോടിയുടെ പദ്ധതി 42 മാസം കൊണ്ട് പൂർത്തിയാക്കുമെന്ന് അധികൃതർ വ്യക്തമാക്കി. സിൽവർലൈനിന് അംഗീകാരം കാത്തിരിക്കെ, കെ-റെയിൽ ഏറ്റെടുക്കുന്ന വലിയ പദ്ധതിയാണിത്. ഈ കൺസോർഷ്യത്തിനാണ് വർക്കല സ്റ്റേഷൻ അന്താരാഷ്ട്ര നിലവാരത്തിലാക്കുന്ന പദ്ധതിയുടെ കരാറും ലഭിച്ചിരിക്കുന്നത്. സെൻട്രൽ സ്റ്റേഷൻ വികസനം നടക്കുന്നത് കേന്ദ്രത്തിന്റെ അമൃത് ഭാരത് പദ്ധതി പ്രകാരമാണ്. വിമാനത്താവളങ്ങളിലെപ്പോലെ യാത്രക്കാർക്കായി പ്രത്യേകം ലൗഞ്ചുകളുണ്ടാവും. ഇവയെ ലിഫ്റ്റുകൾ വഴി ബന്ധിപ്പിക്കും. ട്രെയിൻ പുറപ്പെടുന്നതിന് നിശ്ചിത സമയത്തിന് മുൻപ് മാത്രമേ യാത്രക്കാരെ പ്രവേശിപ്പിക്കൂ. പ്ലാറ്റ്‌ഫോമുകളിലെ തിരക്ക് കുറയ്ക്കാൻ വേണ്ടിയാണ് ഇത്തരമൊരു നടപടി സ്വീകരിച്ചത്. വിവരങ്ങളറിയിക്കാൻ കൂടുതൽ ഡിജിറ്റൽ ഡിസ്പ്ലേ ബോർഡുകൾ സ്ഥാപിക്കുമെന്നും അധികൃതർ വ്യക്തമാക്കി. നിലവിലെ കെട്ടിടം നിലനിറുത്തി തെക്കും വടക്കും പുതിയ കെട്ടിടങ്ങൾ നിർമ്മിക്കും. തെക്കുവശത്ത് മൾട്ടി ലെവൽ കാർ പാർക്കിംഗുമുണ്ടാവും. അക്വാ ഗ്രീൻ നിറത്തിൽ തരംഗാകൃതിയിലുള്ള മേൽക്കൂരയും ആനത്തലയുടെ രൂപമുള്ള തൂണുകളും പുതിയ ടെർമിനലിനുണ്ടാകും.
രജനികാന്തിന്റെ ജീവിതം സിനിമയാകുന്നു; റിപ്പോർട്ടുകൾ പുറത്ത്

തമിഴ് സിനിമാ ലോകത്ത് മാത്രമല്ല ലോകമൊമ്പാടും ഏറെ ആരാധകരുള്ള സൂപ്പർ സ്റ്റാറാണ് രജനികാന്ത്. രജനികാന്തിന്റെ ജീവിതം സിനിമയാകുന്നുവെന്ന വാർത്തകളാണ് ഇപ്പോൾ പുറത്തു വരുന്നത്. പ്രമുഖ ബോളിവുഡ് നിർമ്മാതാവ് സാജിത് നഡ്വാല രജനികാന്തിന്റെ ജീവിത കഥ സിനിമയാക്കാനുള്ള അവകാശം കരസ്ഥമാക്കിയെന്നാണ് ഹംഗാമ.കോം പുറത്തുവിട്ട റിപ്പോർട്ടുകൾ വ്യക്തമാക്കുന്നത്. ബസ് കണ്ടക്ടറിൽ നിന്ന് സിനിമാ ലോകത്തെ സൂപ്പർതാരമായി ശിവാജി റാവു ഗെയ്ക്‌വാദ് എന്ന രജനികാന്ത് വളർന്നത് സിനിമയെ വെല്ലുന്ന കഥ തന്നെയാണ്. ഈ ജീവിത കഥ പലർക്കും ഒരു പ്രചോദനം തന്നെയാണ്. എആർ മുരുകദോസ് ചിത്രം സിക്കന്തറിന്റെ നിർമ്മാണഘട്ടത്തിലാണ് ഇപ്പോൾ സാജിത് നഡ്വാല. അതിന് ശേഷമായിരിക്കും രജനി ചിത്രത്തിലേക്ക് കടക്കുക. ഇന്ത്യൻ സിനിമയിൽ ഇതുവരെ ഒരു ബയോപികിന്റെ അവകാശം നേടാൻ ചെലവാക്കിയ ഏറ്റവും കൂടിയ തുക രജനികാന്തിന് വാഗ്ദാനം ചെയ്തുവെന്ന റിപ്പോർട്ടുകളും പുറത്തു വരുന്നുണ്ട്.