പാലക്കാട്: മകളുമായി സർക്കാർ ആശുപത്രിയിലെത്തിയ അമ്മയെ പാമ്പ് കടിച്ചു. പാലക്കാടാണ് സംഭവം. പുതുനഗരം കരിപ്പോട് സ്വദേശിനി ഗായത്രിക്കാണ് ചിറ്റൂർ താലൂക്ക് ആശുപത്രിയിൽ വെച്ച് പാമ്പ് കടിയേറ്റത്. രാവിലെ 11 മണിക്കായിരുന്നു സംഭവം നടന്നത്.
ആശുപത്രിയിലെ സ്ത്രീകളുടെ വാർഡിൽ നിന്നാണ് പാമ്പുകടിയേറ്റത്. തുടർന്ന് ഗായത്രിയെ പാവലക്കാട് ജില്ലാ ആശുപത്രിയിൽ പ്രവേശിപ്പിച്ചു. ആശുപത്രിയിൽ വൃത്തിഹീനമായ സാഹചര്യമാണുള്ളതെന്നാണ് വാർഡ് മെമ്പർ വ്യക്തമാക്കുന്നത്.
സംഭവത്തിൽ ശക്തമായ നടപടി വേണമെന്നാണ് ഗായത്രിയുടെ ബന്ധു പറയുന്നത്. ഗായത്രിയുടെ ആരോഗ്യനില തൃപ്തികരമാണെന്നും ബന്ധു അറിയിച്ചു.