ദില്ലി: ഓപ്പറേഷന്‍ സിന്ദൂരിന് രണ്ടാം ഘട്ടം ഉണ്ടാകാനുള്ള സാധ്യതയുണ്ടെന്ന് കേന്ദ്രം വ്യക്തമാക്കി. ഇന്ത്യയുടെ പട്ടികയിൽ ഉള്‍പ്പെട്ട 21 ഭീകര കേന്ദ്രങ്ങളിൽ നിന്ന് 9 എണ്ണം മാത്രമാണ് കഴിഞ്ഞ രാത്രി ലക്ഷ്യമാക്കി ആക്രമിച്ചത്. ഭാവിയിൽ പാകിസ്ഥാന്‍റെ സൈനിക കേന്ദ്രങ്ങൾ പോലും ലക്ഷ്യമാക്കാൻ ഇന്ത്യ മടിക്കില്ലെന്നും മുന്നറിയിപ്പ് നല്‍കി. പാക് സേന സാധാരണ ജനങ്ങളെ ആക്രമിച്ചാൽ ഇന്ത്യൻ സൈന്യത്തിന് ശക്തമായ തിരിച്ചടി നൽകാൻ മുഴുവൻ സ്വാതന്ത്ര്യം നൽകിയിട്ടുണ്ട്.
ഇന്ന് ദില്ലിയിൽ പ്രധാനമന്ത്രി നരേന്ദ്ര മോദിയുടെ അധ്യക്ഷതയിൽ സർവകക്ഷിയോഗം ചേരുന്നുണ്ട്. പഹല്‍ഗാമിലെ ഭീകരാക്രമണത്തിന് ഇന്ത്യ നൽകിയ മറുപടിയിൽ 31 പേർ കൊല്ലപ്പെട്ടതായും 41 പേർക്ക് പരിക്കേറ്റതായും സ്ഥിരീകരിച്ചിട്ടുണ്ട്. ഇന്ത്യൻ സൈന്യം ശക്തമായ നടപടികളുമായി മുന്നോട്ട് പോകുമെന്ന് ഇന്ത്യ വ്യക്തമാക്കി, പാകിസ്ഥാന്‍റെ തുടർച്ചയായ പ്രകോപനങ്ങൾക്ക് കനത്ത മറുപടി നൽകാനാണ് തീരുമാനിച്ചിരിക്കുന്നത്.
പാക് സൈന്യത്തിന്റെ ഷെല്ലാക്രമണത്തിൽ പൂഞ്ച് മേഖലയിൽ ലാൻസ് നായിക് ദിനേഷ് കുമാർ വീരമൃത്യു വരിച്ചു. ഭാവിയിൽ കൂടുതൽ ഭീകരക്യാമ്പുകൾ ഇന്ത്യയുടെ ലക്ഷ്യത്തിലായിരിക്കുമെന്നും റിപ്പോർട്ടുകളുണ്ട്.
നിയന്ത്രണ രേഖക്ക് സമീപം സാധാരണ ജനങ്ങളെ ലക്ഷ്യമാക്കിയാൽ അതിനായുള്ള ശക്തമായ പ്രതികരണത്തിന് സൈന്യത്തിന് അനുമതി നല്‍കിയിട്ടുണ്ട്. അതേസമയം, ആശങ്കാജനകമായ സാഹചര്യം പരിഗണിച്ച് നേപ്പാൾ-പാകിസ്ഥാൻ അതിർത്തിയോട് ചേർന്ന സംസ്ഥാനങ്ങൾക്ക് അവശ്യവസ്തുക്കളുടെ ലഭ്യത ഉറപ്പാക്കാൻ കേന്ദ്ര ആഭ്യന്തര മന്ത്രി അമിത് ഷാ നിർദ്ദേശം നൽകി.
ദുരന്തനിവാരണ സേന, സിവിൽ ഡിഫൻസ്, ഹോം ഗാർഡുകൾ എന്നിവരെ ഏത് അടിയന്തര സാഹചര്യമേയും നേരിടാൻ സജ്ജമാക്കണം എന്നതാണ് നിർദേശം. കശ്മീരിൽ ഇന്നും എല്ലാ വിദ്യാഭ്യാസ സ്ഥാപനങ്ങൾക്കും അവധിയാണ്. ശ്രീനഗർ വിമാനത്താവളം ഇപ്പോഴും പ്രവർത്തനം നിർത്തി. ജമ്മു-കശ്മീരിൽ കൺട്രോൾ റൂമുകൾ പ്രവർത്തനസജ്ജമാണ്.
ഇതിനിടെ പാകിസ്ഥാൻ പ്രധാനമന്ത്രി ഷെഹബാസ് ഷെരീഫ് പ്രതികരണവുമായി രംഗത്തെത്തി. ഇന്ത്യയുടെ നടപടി എതിര്‍ക്കാൻ വേണ്ടതെന്തും ചെയ്യുമെന്ന് അദ്ദേഹം രാജ്യത്തെ അഭിസംബോധന ചെയ്ത് പ്രഖ്യാപിച്ചു. പ്രശ്നങ്ങൾ വര്‍ധിക്കരുതെന്ന് യുഎസ് പ്രസിഡന്റ് ഡോണൾഡ് ട്രംപ് ഇരുരാജ്യങ്ങളോടും ആഹ്വാനം ചെയ്തു. ഇന്ത്യയുടെ പ്രതികരണം തകൃതിയായിരുന്നു, ഇനി അക്രമങ്ങൾ ആവര്‍ത്തിക്കില്ലെന്നാണ് പ്രതീക്ഷയെന്നും ട്രംപ് കൂട്ടിച്ചേർത്തു.