തെലുങ്ക് താരം നിഹാരിക കോനിഡേല വിവാഹബന്ധം വേർപിരിയുന്നു. നിഹാരിക തന്നെയാണ് തന്റെ സോഷ്യൽ മീഡിയ അക്കൗണ്ടുകൾ വഴി ഇക്കാര്യം ഏവരെയും അറിയിച്ചത്. ‘‘ഞാനും ചൈതന്യയും വേര്പിരിയുന്നു. പുതിയ ജീവിതവുമായി മുന്നോട്ട് പോകുമ്പോള് അനുകമ്പ കാണിക്കണമെന്ന് ആവശ്യപ്പെടുന്നു. എനിക്ക് പിന്നില് നെടുംതൂണായി നിന്ന കുടുംബത്തിനും കൂട്ടുകാര്ക്കും നന്ദി. ദയവു ചെയ്ത് ഞങ്ങളുടെ സ്വകാര്യതയെ മാനിക്കാന് അഭ്യര്ഥിക്കുന്നു.’’എന്നാണ് നിഹാരിക കുറിച്ചത്.
ബിസിനസ് സ്ട്രാറ്റജിസ്റ്റായ ചൈതന്യ ജൊനലഗഡയെ 2020 ഡിസംബറിലായിരുന്നു നിഹാരിക വിവാഹം കഴിച്ചത്. തെലുങ്ക് സിനിമാ നിർമാതാവും നടനുമായ നാഗേന്ദ്ര ബാബുവിന്റെ മകളാണ് നിഹാരിക. നടൻ വരുൺ തേജ് നിഹാരികയുടെ സഹോദരനാണ്. തെലുങ്ക് സിനിമയിലെ ഇതിഹാസങ്ങളായ ചിരഞ്ജീവിയുടേയും പവൻ കല്യാണിന്റെ അനന്തരവളാണ് നിഹാരിക.