ഇന്ത്യന് ഗ്ലോബല് വീക്ക് 2020 : പ്രധാനമന്ത്രി ലോകത്തെ അഭിസംബോധന ചെയ്യും.
2020-07-08
ബ്രിട്ടനില് വെച്ച് നടക്കുന്ന ഇന്ത്യ ഗ്ലോബല് വീക്ക് 2020 യെ അഭിസംബോധന ചെയ്ത് പ്രധാനമന്ത്രി നരേന്ദ്ര മോദി സംസാരിക്കും. കോവിഡ് വ്യാപനത്തിന്റെ പശ്ചാത്തലത്തില് വീഡിയോ കോണ്ഫറന്സിംഗ് വഴിയാണ് പ്രധാനമന്ത്രി ലോക ജനതയെ അഭിസംബോധന ചെയ്യുക. വ്യാഴാഴ്ചയാണ് ഇന്ത്യ ഗ്ലോബല് വീക്കിന് തുടക്കമാകുന്നത്.
മൂന്ന് ദിവസം നീണ്ടു നില്ക്കുന്ന പരിപാടിയില് ഇന്ത്യയുടെ വ്യാപാരം, വിദേശ നിക്ഷേപം, നിര്മ്മാണ മേഖലയിലെ സാദ്ധ്യതകള് എന്നിവയാകും പ്രധാന ചർച്ചാവിഷയം എന്നാണ് റിപ്പോര്ട്ടുകള്. പ്രധാനമന്ത്രിയെ കൂടാതെ കേന്ദ്ര വിദേശകാര്യ മന്ത്രി എസ് ജയശങ്കര്, റെയില്വേ മന്ത്രി പീയുഷ് ഗോയല്, വ്യോമയാന മന്ത്രി ഹര്ദീപ് സിംഗ് പുരി, ഐടി വകുപ്പ് മന്ത്രി രവിശങ്കര് പ്രസാദ് അടക്കമുളളവർ പരിപാടിയില് സംസാരിക്കും.
