ന്യൂഡൽഹി: ചുമതലകൾ പാർട്ടി നേതാക്കൾക്ക് കൈമാറി ഡൽഹി മുഖ്യമന്ത്രി അരവിന്ദ് കെജ്രിവാൾ. തിഹാർ ജയിലിലേക്ക് മടങ്ങിയ സാഹചര്യത്തിലാണ് കെജ്രിവാൾ നേതാക്കൾക്ക് ചുമതല കൈമാറിയത്. മന്ത്രി അതിഷി മെർലേനയ്ക്കാണ് ഭരണ നിർവഹണത്തിന്റെ ഏകോപന ചുമതല കൈമാറിയത്.
സംഘടനാ ജനറൽ സെക്രട്ടറി സന്ദീപ് പഥക്കിനാണ് പാർട്ടി നിയന്ത്രണത്തിന്റെ ചുമതല നൽകിയിരിക്കുന്നത്. മദ്യനയക്കേസിൽ ഇടക്കാല ജാമ്യ കാലാവധി തീർന്ന് കഴിഞ്ഞ ദിവസമാണ് കെജ്രിവാൾ ജയിലിലേക്ക് മടങ്ങിയത്. മന്ത്രി സൗരഭ് ഭരദ്വാജിനെ പാർട്ടി നിയന്ത്രണത്തിന്റെ ചുമതലയുള്ള സംഘത്തിൽ ഉൾപ്പെടുത്തി.
അതേസമയം, ഭാര്യ സുനിത കേജ്‌രിവാൾ തൽക്കാലം സജീവ രാഷ്ട്രീയത്തിലേക്ക് ഇറങ്ങേണ്ടതില്ലെന്ന നിലപാടിലാണ് അരവിന്ദ് കെജ്രിവാൾ. മുതിർന്ന നേതാവ് സഞ്ജയ് സിങ്ങിനു ചുമതലകളൊന്നും നൽകിയിട്ടില്ല.