കൊച്ചി: സ്വര്ണവില ചരിത്രത്തിലാദ്യമായി 60,000 രൂപ കടന്ന് സര്വകാല റെക്കോര്ഡില്. ആഗോള വിപണിയിലും വില കുത്തനെ കൂടുകയാണ്. അമേരിക്കയിലെ ഭരണമാറ്റത്തെ തുടര്ന്നുള്ള അനിശ്ചിതത്വമാണ് കുതിപ്പിന് പിന്നിലെന്നാണ് വിലയിരുത്തൽ.ഇനിയും വില കൂടുമെന്നാണ് പ്രചാരണം. 3000 രൂപയുടെ വര്ധനവാണ് സ്വർണവിലയിൽ ഈ മാസം ഇതുവരെ ഉണ്ടായത് . കേരളത്തില് ഇന്ന് 22 കാരറ്റ് സ്വര്ണം പവന് 60,200 രൂപയാണ് വില. 600 രൂപയാണ് ഇന്ന് ഒറ്റയടിക്ക് വര്ധിച്ചിരിക്കുന്നത്. ഗ്രാമിന് 75 രൂപ വര്ധിച്ച് 7525 രൂപയിലെത്തി. അതേസമയം, 18 കാരറ്റ് സ്വര്ണം ഗ്രാമിന് 65 രൂപ വര്ധിച്ച് 6205 രൂപയിലെത്തി. വെള്ളിയുടെ വില 99 രൂപ എന്ന ഗ്രാം നിരക്ക് തുടരുകയാണ്.
2025-01-22