കൊൽക്കത്ത: കൊൽക്കത്തയിൽ സ്‌ഫോടനം. എസ്എൻ ബാനർജി റോഡിലാണ് സ്‌ഫോടനം ഉണ്ടായത്. സ്‌ഫോടനത്തിൽ ഒരാൾക്ക് പരിക്കേറ്റു.
ആക്രി പെറുക്കിവിൽക്കുന്ന യുവാവിനാണ് പരിക്കേറ്റതെന്നാണ് റിപ്പോർട്ട്. ഉച്ചയ്ക്ക് 1.45ഓടെയായിരുന്നു സംഭവം. സ്ഥലത്ത് പൊലീസും ബോംബ് സ്‌ക്വാഡും എത്തി പരിശോധന നടത്തുകയാണ്. കൈയ്ക്ക് പരിക്കേറ്റ യുവാവിനെ ആശുപത്രിയിൽ പ്രവേശിപ്പിച്ചു.
എൻആർഎസ് ആശുപത്രിയിലാണ് യുവാവിനെ പ്രവേശിപ്പിച്ചിരിക്കുന്നത്. സ്‌ഫോടനത്തിന്റെ കാരണം ഇതുവരെയും കണ്ടെത്താനായിട്ടില്ല. സംഭവത്തിൽ പോലീസ് അന്വേഷണം പുരോഗമിക്കുകയാണ്.