തിരുവനന്തപുരം: ഹേമ കമ്മിറ്റി റിപ്പോർട്ടിൽ ഗവൺമെന്റിന് കൃത്യമായ നിലപാടുണ്ടെന്നും റിപ്പോർട്ടിന്മേൽ ശക്തമായ നടപടിയുണ്ടാകുമെന്നും മന്ത്രി കെ എൻ ബാലഗോപാൽ. വനിതകളുടെ അടക്കം പരാതികൾ പഠിച്ച ശേഷമുള്ള റിപ്പോർട്ടാണ് പുറത്തുവന്നത്. പരിഷ്‌കരിച്ച നിയമങ്ങൾ നിലവിലുണ്ട്. റിപ്പോർട്ട് സർക്കാർ പിടിച്ചു വച്ചതല്ലെന്ന് അദ്ദേഹം പറഞ്ഞു.
പുറത്ത് വിടുന്നതിന് നേരത്തെ നിയമപരമായ തടസങ്ങൾ ഉണ്ടായിരുന്നു. വിഷയത്തിൽ പ്രതിപക്ഷം കണ്ണടച്ചു രാഷ്ട്രീയമായി എതിർക്കുകയാണ്. എന്നാൽ ഇക്കാര്യത്തിൽ സർക്കാർ നിലപാട് മുഖ്യമന്ത്രി വ്യക്തമാക്കിയിട്ടുണ്ടെന്നും കെ എൻ ബാലഗോപാൽ കൂട്ടിച്ചേർത്തു.