ന്യൂഡൽഹി: സിപിഎം ജനറൽ സെക്രട്ടറി സീതാറാം യെച്ചൂരി ആശുപത്രിയിൽ. ന്യുമോണിയ ബാധിച്ചതിനെ തുടർന്നാണ് യെച്ചൂരിയെ ആശുപത്രിയിൽ പ്രവേശിപ്പിച്ചത്. എയിംസ് ആശുപത്രിയിലാണ് അദ്ദേഹം ചികിത്സയിലുള്ളത്.
നിലവിൽ അദ്ദേഹം ഐസിയുവിലാണ്. ഇന്നലെ വൈകിട്ടാണ് അദ്ദേഹത്തെ ആശുപത്രിയിൽ എത്തിച്ചത്. അദ്ദേഹത്തിന്റെ ആരോഗ്യ നില തൃപ്തികരമെന്നാണ് സിപിഎം നേതാക്കൾ പറയുന്നത്.
ആശുപത്രിയിൽ ചെക്കപ്പിന് എത്തിയപ്പോഴാണ് ന്യുമോണിയ സ്ഥിരീകരിച്ചത്. കൂടുതൽ വിവരങ്ങൾ ആശുപത്രി അധികൃതർ പുറത്തുവിട്ടിട്ടില്ല.