പത്തനംതിട്ട: എല്ലാ പൊതുഇടങ്ങളും ശിശു സൗഹൃദവും സ്ത്രീസൗഹൃദവുമാക്കുക എന്നുള്ളതാണ് സർക്കാരിന്റെ ലക്ഷ്യമെന്ന് ആരോഗ്യ വനിതാ ശിശു വികസന വകുപ്പ് മന്ത്രി വീണാ ജോർജ്. പത്തനംതിട്ട കെ. എസ്. ആർ. റ്റി. സി ബസ്റ്റാൻഡിൽ കെ.എസ്.ആർ. റ്റി. സി അനുവദിച്ചു നൽകിയ സ്ഥലത്ത് ആരോഗ്യവകുപ്പും ആരോഗ്യ കേരളവും ചേർന്ന് നിർമ്മിച്ച ബ്രസ്റ്റ് ഫീഡിങ് റൂം ഉദ്ഘാടനം ചെയ്തു സംസാരിക്കുകയായിരുന്നു മന്ത്രി.
ലോക മുലയൂട്ടൽ വാരാചരണത്തോടനുബന്ധിച്ച് തയ്യാറാക്കിയ ബ്രെസ്റ്റ് ഫീഡിങ് റൂമിന്റെ നിർമ്മാണ പ്രവർത്തനങ്ങൾ ഒരാഴ്ച കാലം കൊണ്ടാണ് പൂർത്തീകരിച്ചത്. പൊതു ഇടങ്ങൾ മാതൃ ശിശു സൗഹൃദപരമാക്കുന്നതിന്റെ ഭാഗമായി പത്തനംതിട്ട ജില്ലയിൽ സർക്കാരിന്റെയും പൊതു പങ്കാളിത്തത്തോടെയും കൂടുതൽ കേന്ദ്രങ്ങളിൽ ബ്രസ്റ്റ് ഫീഡിങ് മുറികൾ സ്ഥാപിക്കുന്നത് യാഥാർത്ഥ്യമാക്കുമെന്നും ഏറെ സന്തോഷത്തോടെയാണ് പത്തനംതിട്ടയിൽ പുതുതായി ആരംഭിച്ച ബ്രഡ് ഫീഡിങ് കോർണർ നാടിനു സമർപ്പിക്കുന്നതെന്നും വീണാ ജോർജ് കൂട്ടിച്ചേർത്തു.