അബുദാബി: വിമാനത്തിൽ തീപിടുത്തം. അബുദാബി-കോഴിക്കോട് വിമാനത്തിലാണ് തീപിടിത്തം ഉണ്ടായത്. ഇന്ന് പുലർച്ചെ അബുദാബിയിൽ നിന്നും കോഴിക്കോടേക്ക് എയർ അറേബ്യയുടെ വിമാനം പുറപ്പെടുമ്പോഴായിരുന്നു സംഭവം.
യാത്രക്കാരന്റെ പവർ ബാങ്ക് പൊട്ടിത്തെറിച്ചാണ് തീപിടിത്തമുണ്ടായതെന്നാണ് അധികൃതർ വ്യക്തമാക്കുന്നത്. ഉടൻ തന്നെ അധികൃതർ വേണ്ട നടപടികൾ സ്വീകരിച്ചു. സഹയാത്രികർ പവർ ബാങ്ക് ചവട്ടിപ്പൊട്ടിക്കാനും ശ്രമിച്ചിരുന്നു. ഇങ്ങനെ ചെയ്യാൻ ശ്രമിച്ച 4 പേരെ അധികൃതർ തടഞ്ഞു.
പവർ ബാങ്ക് കൈയിൽ ഉണ്ടായിരുന്ന മലയാളി യുവാവിനെയും സഹോദരിയെയും എമർജൻസി ഡോർ തുറന്ന രണ്ടുപേരെയും അധികൃതർ തടഞ്ഞു. വലിയൊരു ദുരന്തമാണ് ഒഴിവായതെന്നും യാത്രക്കാരെ മറ്റൊരു വിമാനത്തിൽ കോഴിക്കോട് എത്തിച്ചുവെന്നും അധികൃതർ കൂട്ടിച്ചേർത്തു.