വാരാണസി: തനിക്ക് കാശിയുമായുള്ള ബന്ധം വാക്കുകൾകൊണ്ട് വിവരിക്കാവുന്നതിനും അപ്പുറമാണെന്ന് പ്രധാനമന്ത്രി നരേന്ദ്ര മോദി. ഗംഗ തന്നെ ദത്തെടുത്തു എന്ന് അദ്ദേഹം പറഞ്ഞു.
തന്നെ കാശിയിലെ ജനം ‘ബനാറസി’ ആക്കി. റായ്ബറേലിയിൽ പോലും കോൺഗ്രസ് തോൽക്കും. ഗാന്ധി കുടുംബത്തിന് പ്രാധാന്യം നല്കുന്നത് മാധ്യമങ്ങൾ മാത്രമാണ്. വയനാട്ടിലെ ജനങ്ങളും രാഹുലിനെ പാഠം പഠിപ്പിച്ചു. യുപിയിലെ ജനങ്ങൾ അവസരവാദ സഖ്യത്തെ നേരത്തെയും തോൽപിച്ചിട്ടുണ്ടെന്നും അദ്ദേഹം ചൂണ്ടിക്കാട്ടി.
വാരാണസിയിൽ 10 വർഷം നടപ്പാക്കിയ പദ്ധതികൾ വിവരിക്കുന്ന വീഡിയോയും പ്രധാനമന്ത്രി സമൂഹമാധ്യമത്തിൽ പങ്കുവെച്ചു. വാരാണസിയിൽ കഴിഞ്ഞ ദിവസം മോദി റോഡ് ഷോ നടത്തിയിരുന്നു.