താൻ പ്രതിഫലം വാങ്ങാറില്ലെന്ന് തുറന്നു പറഞ്ഞ് നടൻ പൃഥ്വിരാജ്. പ്രതിഫലത്തിന് പകരം താൻ ലാഭവിഹിതമാണ് വാങ്ങുന്നതെന്ന് താരം പറഞ്ഞു. ഹൈദരാബാദിലെ ഒരു ചാനലിന് നൽകിയ അഭിമുഖത്തിലാണ് പൃഥ്വിരാജ് ഇക്കാര്യം വ്യക്തമാക്കിയത്.
താരങ്ങൾ ഒരുപാട് പ്രതിഫലം വാങ്ങുന്ന ഇൻഡസ്ട്രിയല്ല കേരളത്തിലേത്. മറ്റ് ഭാഷകളെടുത്താൽ മുഴുവൻ ബഡ്ജറ്റിന്റെ മുക്കാലും താരങ്ങളുടെ പ്രതിഫലമായിരിക്കും. എന്നാൽ കേരളത്തിൽ അങ്ങനെയല്ല. ചിത്രത്തിന്റെ മേക്കിങ്ങിനാണ് പ്രതിഫലത്തിനേക്കാളും പണം ചിലവാക്കുന്നതെന്ന് താരം പറഞ്ഞു.
ചെയ്ത ചിത്രങ്ങൾക്ക് ശമ്പളം വാങ്ങുന്നത് സിനിമയ്ക്ക് വലിയ പ്രതിസന്ധിയുണ്ടാക്കും. ഷൂട്ടിങ് പോലും തടസ്സപ്പെടാൻ അത് കാരണമായേക്കാം. ഒരു ചിത്രം നല്ല രീതിയിൽ ചിത്രീകരിക്കേണ്ടതാണ് പ്രധാനം. അതുകൊണ്ട് ഞാൻ പ്രതിഫലം വാങ്ങാറില്ല. തന്റെ സിനിമ നന്നായി ഓടിയാൽ തനിക്ക് കൂടുതൽ പണം കിട്ടും. ചില സമയങ്ങളിൽ പ്രതിഫലത്തേക്കാൾ കൂടുതൽ ലാഭം ലഭിക്കും. ചില സമയം അധികം ലാഭം കിട്ടിയില്ലെന്നും വരുമെന്നും എന്നാൽ, അവിടെയും സിനിമയാണ് പ്രധാനമെന്നും അദ്ദേഹം കൂട്ടിച്ചേർത്തു.