ലോകത്ത് ഏറ്റവും അധികം ഡൗൺലോഡ് ചെയ്യുന്ന ആപ്പ് എന്ന നേട്ടം സ്വന്തമാക്കി ഇൻസ്റ്റഗ്രാം. യുവാക്കൾക്കിടയിൽ ഇൻസ്റ്റഗ്രാമിന് വലിയ സ്വീകാര്യതയാണുള്ളത്. റീൽസ് കൂടി ആരംഭിച്ചതോടെ ഇൻസ്റ്റഗ്രാമിന്റെ സ്വീകാര്യത ഇരട്ടിയായി. ഇൻസ്റ്റഗ്രാം ആഗോള തലത്തിൽ അവതരിപ്പിക്കപ്പെട്ടത് 2010 ലാണ്.
2023 ൽ 76.7 കോടി തവണയാണ് ഇൻസ്റ്റാഗ്രാം ആഗോള തലത്തിൽ ഡൗൺലോഡ് ചെയ്യപ്പട്ടതെന്നാണ് കണക്കുകളിൽ നിന്നും വ്യക്തമാകുന്നത്. മുൻവർഷത്തേക്കാൾ 20 ശതമാനത്തിന്റെ വളർച്ചയാണ് ഇതിൽ രേഖപ്പെടുത്തിയിരിക്കുന്നത്.
റീൽസ്, ഫോട്ടോഷെയറിങ്, സ്റ്റോറീസ് ഉൾപ്പടെയുള്ള ഫീച്ചറുകളാണ് ഇൻസ്റ്റഗ്രാമിനെ ജനപ്രിയമാക്കിയത്.150 കോടി പ്രതിമാസ സജീവ ഉപഭോക്താക്കളാണ് ഇൻസ്റ്റാഗ്രാമിനുള്ളതെന്നാണ് വിപണി വിശകലന സ്ഥാപനമായ സെൻസർ ടവർ പുറത്തുവിട്ട റിപ്പോർട്ടിൽ വ്യക്തമാക്കിയിരിക്കുന്നത്.