എറണാകുളം: മുഖ്യമന്ത്രി പിണറായി വിജയനെതിരെ പുതിയ ആരോപണവുമായി രംഗത്തെത്തി ഷോൺ ജോർജ്. മുഖമന്ത്രിയുടെ പേഴ്സണൽ സ്റ്റാഫിൽ ഉള്ള സ്പെഷ്യൽ ഓഫീസർ ആർ മോഹൻ ആണ് 2008 ൽ ലാവലിനുമായി ബന്ധപ്പെട്ട ആദായ നികുതി വകുപ്പ് അന്വേഷണത്തിൽ ക്ലീൻ ചിറ്റ് നൽകിയതെന്നും ഉദ്ദിഷ്ട കാര്യത്തിന് ഉപകാര സ്മരണ എന്ന നിലയാലാണ് ഈ നിയമനമെന്ന് സംശയിക്കുന്നുവെന്നും ഷോൺ ജോർജ് പറഞ്ഞു. കൊച്ചിയിൽ നടത്തിയ വാർത്താ സമ്മേളനത്തിലാണ് അദ്ദേഹം ഇത്തരമൊരു ആരോപണം ഉന്നയിച്ചത്. വിഷയത്തിൽ പരാതി നൽകുമെന്നും അദ്ദേഹം അറിയിച്ചു.
ലാവ്ലിനിൽ കിട്ടിയ കമ്മീഷൻ തുക സിംഗപ്പൂരിലെ കമല ഇന്റർനാഷണലിൽ നിക്ഷേപിച്ചു എന്നതിനെ പറ്റി ആയിരുന്നു ആർ മോഹൻ അന്വേഷിച്ചത്. ആദായ നികുതി വകുപ്പ് അഡിഷണൽ ഡയറക്ടർ ആയിരുന്നു ആർ മോഹനെന്നും ഷോൺ ചൂണ്ടിക്കാട്ടി.