ലോകമെമ്പാടുമുള്ള തീയറ്റുറുകളിൽ റിലീസിനായി ഒരുങ്ങി മലൈക്കോട്ടൈ വാലിബന്‍. മോഹന്‍ലാല്‍ നായകനായ പുതിയ ചിത്രം നേരത്തേ തന്നെ യൂറോപ്പില്‍ 35 ല്‍ അധികം രാജ്യങ്ങളില്‍ ചിത്രം എത്തുമെന്ന് റിപ്പോര്‍ട്ടുകള്‍ എത്തിയിരുന്നു. ഇപ്പോഴിതാ ചിത്രത്തിന്‍റെ യുഎസ് റിലീസ് സംബന്ധിച്ച വിവരങ്ങളും പുറത്തെത്തിയിരിക്കുകയാണ്. വാലിബന്‍, യുഎസില്‍ 39 സംസ്ഥാനങ്ങളിലെ 146 നഗരങ്ങളിലായാണ് എത്തുക.
ഇക്കാര്യം അറിയിച്ചിരിക്കുന്നത് ഇന്ത്യന്‍ സിനിമകളുടെ നോര്‍ക്ക് അമേരിക്കന്‍ വിതരണക്കാരായ പ്രൈം മീഡിയയാണ്. നിലവില്‍ അലബാമ, കാലിഫോര്‍ണിയ, ഫ്ലോറിഡ, ജോര്‍ജിയ, ഇന്ത്യാന അടക്കമുള്ള സംസ്ഥാനങ്ങളിലെല്ലാം ചിത്രത്തിന് റിലീസ് തീരുമാനിച്ചിട്ടുണ്ട്. സൊണാലി കുല്‍ക്കര്‍ണി, മനോജ് മോസസ്, കഥ നന്ദി, ഡാനിഷ് സേഠ്, മണികണ്ഠന്‍ ആചാരി തുടങ്ങിയവരാണ് മറ്റു കഥാപാത്രങ്ങൾ.