രാജ്യത്തിന്റെ ഈ വര്ഷത്തെ റിപ്പബ്ലിക് ദിനാഘോഷത്തിൽ കര്ണാടകത്തിന്റെ നിശ്ചലദൃശ്യത്തിനും അനുമതിയില്ല. പ്രതിരോധ മന്ത്രാലയം ഭാരത്ത് പർവിൽ ടാബ്ലോ ഉൾപ്പെടുത്താമെന്ന് വ്യക്തമാക്കി. കേരളത്തെയും ഇത്തവണത്തെ റിപ്പബ്ലിക് ദിന പരേഡിൽ കേന്ദ്രം വെട്ടിയിരുന്നു. നിശ്ചലദൃശ്യങ്ങള്ക്ക് അനുമതി നല്കാത്തതില് കേന്ദ്രത്തിനെതിരെ പഞ്ചാബ്, പശ്ചിമബംഗാൾ ഉള്പ്പടെ പ്രതിപക്ഷ പാര്ട്ടികള് ഭരിക്കുന്ന സംസ്ഥാനങ്ങള് രൂക്ഷ വിമർശനം ഉയർത്തിയിട്ടുണ്ട്. ആഭ്യന്തര മന്ത്രാലയം കർണാടക സർക്കാർ നൽകിയ എല്ലാ മാതൃകകളും തള്ളിയെന്ന് മുഖ്യമന്ത്രി സിദ്ധരാമയ്യ അറിയിച്ചു.
കേന്ദ്രം, കന്നഡിഗരെ അപമാനിക്കുന്ന പ്രവൃത്തിയാണ് ചെയ്തതെന്നും സിദ്ധരാമയ്യ കുറ്റപ്പെടുത്തി. ബിജെപി സർക്കാർ നൽകിയ മാതൃക കഴിഞ്ഞ വർഷം ആദ്യം തള്ളിയ ആഭ്യന്തര മന്ത്രാലയം പിന്നീട് കർണാടകയ്ക്ക് പരേഡിൽ പങ്കെടുക്കാൻ അനുമതി നൽകിയിരുന്നു. നിശ്ചല ദൃശ്യം 13 വർഷത്തിന് ശേഷം ആദ്യമായി തള്ളിയതിനെതിരെ അന്ന് പ്രതിഷേധം ശക്തമായിരുന്നു. ഇതേത്തുടർന്നാണ് അന്ന് നിശ്ചല ദൃശ്യത്തിന് അനുമതി നൽകിയത്. കേന്ദ്രം ഈ വിഷയത്തിൽ രാഷ്ട്രീയം കളിക്കുന്നെന്ന് സിദ്ധരാമയ്യ വിമര്ശിക്കുന്നു. ഇത്തവണ കർണാടകയുടെ ചരിത്രവും ബെംഗളൂരു വികസനവും ചിത്രീകരിക്കുന്ന പല മാതൃകകളും സംസ്ഥാനം മുന്നോട്ട് വെച്ചെങ്കിലും ഒന്ന് പോലും കേന്ദ്ര ആഭ്യന്തര മന്ത്രാലയം അംഗീകരിച്ചില്ല.
സിദ്ധരാമയ്യ, ക്ഷാമത്തിൽ വലയുന്ന കന്നഡ ജനതയ്ക്ക് സഹായം നൽകാത്തത് മുതൽ ടാബ്ലോയിൽ അനുമതി നൽകാത്തതിന് പിന്നിൽ വരെ രാഷ്ട്രീയമാണെന്നും കുറ്റപ്പെടുത്തി. കേന്ദ്ര സര്ക്കാര് തള്ളിയത്, വികസിത ഭാരതം, ഇന്ത്യ ജനാധിപത്യത്തിന്റെ മാതാവ് എന്നീ വിഷയങ്ങളില് കേരളം സമർപ്പിച്ച നിശ്ചല ദൃശ്യ മാതൃകകളാണ്. കേരളം മുന്നോട്ട് വച്ച മാതൃകകൾ ലൈഫ് മിഷൻ അടക്കമുളള പദ്ധതികള് ഉള്പ്പെടുത്തിയായിരുന്നു. കേരളം 10 മാതൃകകളാണ്നല്കിയിരുന്നത്.