സാമ്പത്തിക പ്രതിസന്ധിയിൽ വലഞ്ഞ് ഐഎസ്എൽ ക്ലബായ ഹൈദരാബാദ് എഫ്സി. മുഖ്യ പരിശീലകൻ കോണർ നെസ്റ്ററും വിദേശ താരങ്ങളായ ജൊനാഥൻ മോയ, ഫിലിപെ അമോറിം, ഒസ്വാൾഡോ അലാനിസ് എന്നിവരും ശമ്പളം നൽകാത്തതിനാൽ ക്ലബ് വിട്ടു. മാനേജ്മെൻ്റിനു ഇന്ത്യൻ താരങ്ങളിൽ പലരും കരാർ അവസാനിപ്പിക്കണമെന്നാവശ്യപ്പെട്ട് കത്ത് നൽകിയെന്നും ദേശീയ മാധ്യമങ്ങൾ റിപ്പോർട്ട് ചെയ്യുന്നു.
പല ജീവനക്കാർക്കും താരങ്ങൾക്ക് പുറമെ ക്ലബ് പണം നൽകിയിട്ടില്ലെന്നാണ് റിപ്പോർട്ടുകൾ സൂചിപ്പിക്കുന്നത്. താരങ്ങളെല്ലാം ചേർന്ന് പിരിവിട്ടാണ് ഒരു ജീവനക്കാരൻ്റെ ഭാര്യയുടെ ശസ്ത്രക്രിയക്ക് പണം കണ്ടെത്തിയത്.
ജീവനക്കാർക്ക് ചില ദിവസങ്ങളിൽ ശമ്പളം നൽകാനും താരങ്ങൾ പിരിവിട്ടു. വാട്സപ്പ് മെസേജിലൂടെയാണ് കോണർ നെസ്റ്റർ ക്ലബ് വിട്ടത് താരങ്ങളെ അറിയിച്ചത്. നിലവിൽ ടീമിനെ പരിശീലിപ്പിക്കുന്നത് സഹ പരിശീലകൻ താങ്ബോയ് സിങ്തോ ആണ്.
ക്ലബ് അധികൃതരെ ശമ്പളമില്ലാത്തതിനാൽ ടീമിനെ പരിശീലനത്തിനു കൊണ്ടുപോയിരുന്ന ബസിൻ്റെ ഡ്രൈവർ ജോലിക്കെത്തില്ലെന്ന് ഭീഷണിപ്പെടുത്തിയെന്ന് റിപ്പോർട്ടുകളുണ്ട്. പണം ലഭിക്കാത്തതിനാൽ ക്ലബിലേക്ക് ഭക്ഷണം വിതരണം ചെയ്തുകൊണ്ടിരുന്ന ഏജൻസി പിൻവാങ്ങി. എവേ മത്സരത്തിനായി ജംഷഡ്പൂരിലെത്തിയപ്പോൾ താമസിച്ച ഹോട്ടലിൻ്റെ ബിൽ ഹൈദരാബാദ് ടീം അടച്ചില്ലെന്നും പരാതിയുണ്ട്.
പൊലീസിൽ ഹോട്ടൽ അധികൃതർ ടീമിനെതിരെ പരാതി നൽകി എന്നാണ് റിപ്പോർട്ടുകൾ. ഹൈദരാബാദ്, ഇതുവരെ ലീഗിൽ ഒറ്റ മത്സരം പോലും വിജയിക്കാത്ത ടീമാണ്. 11 കളിയിൽ നാല് സമനിലയും ഏഴ് തോൽവിയുമായി ഹൈദരാബാദ് അവസാന സ്ഥാനത്താണ്.