അബിഗേൽ സാറ റെജിയെന്ന ആറ് വയസുകാരിയെ കൊല്ലം ഓയൂരിൽ നിന്ന് കാണാതായതിനെ തുടർന്ന് കുട്ടി കൊല്ലത്ത് തന്നെ ഉണ്ടെന്നാണ് സൂചനയെന്ന് മന്ത്രി കെ.എൻ ബാലഗോപാൽ. ടവർ ലൊക്കേഷനുകൾ കേന്ദ്രീകരിച്ച് പരിശോധിക്കുന്നുണ്ടെന്ന് മന്ത്രി വ്യക്തമാക്കി. ‘പൊലീസ് അന്വേഷണം ഊർജ്ജിതമായി നടക്കുകയാണ്. പോലീസ് സജീവമായി ഇടപെടുന്നു. നാട്ടുകാരുടെയും സഹായമുണ്ട്. ആശങ്കയ്ക്ക് പരിഹാരം ഉണ്ടാവും’ – മന്ത്രി വ്യക്തമാക്കി.
അബിഗേൽ സാറ റെജിയെന്ന ആറ് വയസുകാരിയെ ഇന്നലെ വൈകീട്ട് 4.45നാണ് തട്ടിക്കൊണ്ടുപോകുന്നത്. പിന്നീട് 5 ലക്ഷം രൂപ ആവശ്യപ്പെട്ട് ഒരു സ്ത്രീയും പുരുഷനും കുട്ടിയുടെ അമ്മയെ വിളിച്ചു. നിലവിൽ പരിശോധന നടക്കുന്നത് തട്ടിക്കൊണ്ടുപോകാൻ ഉപയോഗിച്ച ഗഘ 01 3176 എന്ന വാഹനം കേന്ദ്രീകരിച്ചാണ്.
കുട്ടിയെ കുറിച്ച് എന്തെങ്കിലും വിവരം ലഭിക്കുന്നവർ അറിയിക്കുക : 112 , 9946923282, 9495578999