കൊല്ലം ഓയൂരിൽ കുട്ടിയെ തട്ടിക്കൊണ്ട് പോയ സംഭവവുമായി ബന്ധപ്പെട്ട് തിരുവനന്തപുരത്ത് രണ്ടു പേർ കസ്റ്റഡിയിൽ. രണ്ട് പേരെയാണ് കൃത്യവുമായി ബന്ധമുണ്ടെന്ന് സംശയിക്കുന്ന പൊലീസ് കസ്റ്റഡിയിലെടുത്തിരിക്കുന്നത്. രണ്ടു പേരെയും ശ്രീകണ്ടേശ്വരത്തു നിന്നാണ് കസ്റ്റഡിയിൽ എടുത്തത്. ഇവരെ ചോദ്യം ചെയ്തു വരികയാണ്.
കസ്റ്റഡിയിൽ എടുത്തത് കാർ വാഷിംഗ് സെൻ്റർ ജീവനക്കാരായ രണ്ടുപേരെയാണ്‌. ഇവരുടെ പങ്ക് തട്ടിക്കൊണ്ടുപോകലുമായി സ്ഥിരീകരിച്ചിട്ടില്ല.
അബിഗേൽ സാറ റെജിയെന്ന ആറ് വയസുകാരിയെ ഇന്നലെ വൈകീട്ട് 4.45നാണ് തട്ടിക്കൊണ്ടുപോകുന്നത്. കുട്ടിയെ കയറ്റിക്കൊണ്ട് പോയത് വെള്ള നിറത്തിലുള്ള ഹോണ്ട അമയിസ് കാറിലാണ്.