മാസപ്പടി വിവാദത്തിൽ അന്വേഷണം ആവശ്യപ്പെട്ടുകൊണ്ട് മാത്യു കുഴൽനാടൻ വിജിലൻസ് ഡയറക്ടർക്ക് പരാതി നൽകി. അഴിമതിയുടെ വിശദാംശങ്ങള് ഇതിനോടകം പുറത്തുവന്നിട്ടുണ്ട്. എന്നിട്ടും താന് ഉന്നയിച്ച ചോദ്യങ്ങള്ക്കൊന്നും മുഖ്യമന്ത്രി വ്യക്തമായി മറുപടിയൊന്നും നല്കിയില്ലെന്ന് കുഴല്നാടന് ആരോപിച്ചു.
പിവി എന്ന പരാമര്ശം തന്നെക്കുറിച്ചല്ലെന്ന് പറഞ്ഞ് മുഖ്യമന്ത്രി ഒളിച്ചോടിയ സാഹചര്യത്തില് രണ്ടാംഘട്ട പോരാട്ടം താൻ ആരംഭിക്കുകയാണ്. അത് നിയമപോരാട്ടമാണ്. അതിന്റെ ഭാഗമായി ഔദ്യോഗിക പരാതിയും ബന്ധപ്പെട്ട രേഖകളും വിജിലന്സ് ഡയറക്ടര്ക്ക് കൈമാറിയിട്ടുണ്ട്. പിവി എന്നത് മുഖ്യമന്ത്രി പിണറായി വിജയന് തന്നെയാണ്. അത് ഞങ്ങള് തെളിയിക്കും. തന്റെ നിയമപോരാട്ടത്തിന് പാര്ട്ടിയുടെ അനുമതിയും പിന്തുണയും ഉണ്ടെന്ന് മാത്യു കുഴല്നാടന് പറഞ്ഞു.
ആരോപണം ഉന്നയിച്ച് പുകമറ സൃഷ്ടിക്കുന്നതിനോ, മാധ്യമശ്രദ്ധ ലഭിക്കുന്നതിനോ വേണ്ടിയല്ല താന് ഇത് ഏറ്റെടുത്തത്. വ്യക്തമായ തെളിവുകള് സഹിതമാണ് ആരോപണം ഉന്നയിക്കുന്നത് എന്നും അദ്ദേഹം വ്യക്തമാക്കി. എന്നാല് ഇക്കാര്യത്തില് മുഖ്യമന്ത്രിയോ ബന്ധപ്പെട്ടവരോ ഒന്നും പറഞ്ഞില്ലെന്നും കുഴല്നാടന് പറഞ്ഞു..