അവതാരികയായെത്തി പിന്നീട് മലയാള സിനിമയിൽ നടിയായി മാറിയ താരമാണ് മീരാനന്ദൻ. തന്റെ അഭിനയ ജീവിതത്തിൽ എടുത്ത നീണ്ടകാലത്തെ ഇടവേളയ്ക്ക് ശേഷം താരം സിനിമയിലേക്ക് തിരിച്ചെത്തുകയാണ്. ഇത്രയും കാലം ദുബായിൽ ആർജെയായി ജോലി ചെയ്യുകയായിരുന്നു മീര. അടുത്തിടെ ഓൺലൈൻ ചാനലിന് നൽകിയ അഭിമുഖത്തിലാണ് താരം തിരിച്ചുവരവിനെ പറ്റി സംസാരിച്ചത്. സിനിമയിൽ നടൻ ദിലീപുമായുള്ള സൗഹൃദത്തെക്കുറിച്ചും താൻ എന്തുകൊണ്ടാണ് കല്യാണം കഴിക്കാൻ ആഗ്രഹിക്കാത്തതെന്നും നടി അഭിമുഖത്തിൽ വ്യക്തമാക്കുന്നുണ്ട്.
‘സിനിമയെല്ലാം വിട്ട് ദുബായിലേക്ക് ആർ ജെ യായി പോകുന്നുവെന്ന് പറഞ്ഞപ്പോൾ വീട്ടുകാരെ ഓർക്കണം എന്നായിരുന്നു ദിലീപേട്ടൻ ഉപദേശം തന്നത്. കരിയറിൽ എടുത്ത ഒരു തീരുമാനങ്ങളിലും പശ്ചാത്താപം ഇല്ല. സിനിമ വിട്ട് ആർജെ ആയി പോയപ്പോൾ ഏറ്റവും വലുതായി നേരിട്ടത് സാമ്പത്തിക പ്രശ്നം ആയിരുന്നു. പിന്നീട് ജീവിതത്തിൽ ഓരോ ദിവസവും പുതിയ കാര്യങ്ങൾ പഠിക്കുകയായിരുന്നു’.എന്നിങ്ങനെയാണ് നടി പറഞ്ഞത്. ഒറ്റയ്ക്ക് ജീവിച്ചത് കൊണ്ട് ഒത്തിരി ഗുണങ്ങൾ ഉണ്ടായെന്നും നടി കൂട്ടി ചേർത്തു.