തിരുവനന്തപുരം: നടി മീനു മുനീറിന്റെ ആരോപണങ്ങൾക്ക് മറുപടിയുമായി മണിയൻപിള്ള രാജു. ധാരാളം ആരോപണങ്ങൾ വരുമെന്നും പണം തട്ടാനും അവസരം കിട്ടാത്തതിൽ ദേഷ്യം ഉള്ളവരും അടക്കമാണ് ആരോപണങ്ങളുമായി എത്തുന്നതെന്നും മണിയൻ പിള്ള രാജു പറഞ്ഞു. തിരുവനന്തപുരത്ത് മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം. ആരോപണങ്ങളുടെ യഥാർത്ഥ വസ്തുതകൾ പുറത്തുകൊണ്ടുവരാൻ അന്വേഷണം വേണമെന്നും അദ്ദേഹം ആവശ്യപ്പെട്ടു.
എൽസമ്മ എന്ന ആൺകുട്ടി എന്ന സിനിമയിൽ മിന്നുവിനൊപ്പം അഭിനയിച്ചിട്ടുണ്ട്. തനിക്ക് എതിരായ ആരോപണം തെറ്റാണ്. താൻ തെറ്റുകാരൻ ആണെങ്കിൽ തന്നെയും ശിക്ഷിക്കണം. എല്ലാ ആരോപണങ്ങളും സർക്കാർ അന്വേഷിക്കട്ടെയെന്നും വഴിവിട്ട രീതിയിൽ അമ്മയിൽ അംഗത്വം എടുക്കാൻ സാധിക്കില്ലെന്നും മണിയൻപിള്ള രാജു കൂട്ടിച്ചേർത്തു.