ജയറാം ചിത്രം എബ്രഹാം ഓസ്ലർ ഒടിടിയിലേക്ക്. മാർച്ച് 20 മുതലാണ് ചിത്രം ഒടിടിയിൽ സ്ട്രീമിംഗ് ആരംഭിക്കുക. ഡിസ്നി പ്ല്സ് ഹോട്സ് സ്റ്റാറാണ് ചിത്രത്തിന്റെ ഒടിടി റൈറ്റ്സ് സ്വന്തമാക്കിയിരിക്കുന്നത്. തിയേറ്ററുകളിൽ ചിത്രത്തിന് വലിയ സ്വീകാര്യതയാണ് ലഭിച്ചിരുന്നത്.
മമ്മൂട്ടിയുടെ സർപ്രൈസ് വേഷമാണ് ചിത്രത്തിന്റെ മറ്റൊരു സവിശേഷത. ഇമോഷനൽ ക്രൈം ഡ്രാമ വിഭാഗത്തിൽപ്പെട്ടതാണ് സിനിമ.
ജീവിതത്തിൽ വലിയൊരു ദുരന്തം നേരിട്ട പോലീസ് ഓഫിസറായ ഓസ്ലറിനു മുന്നിൽ ഒരു സീരിയൽ കില്ലർ പ്രത്യക്ഷപ്പെടുന്നതും പിന്നീടുള്ള കുറ്റാന്വേഷണവുമാണ് സിനിമയുടെ ഇതിവൃത്തം. ഇർഷാദ് എം ഹസ്സനും മിഥുൻ മാനുവൽ തോമസും ചേർന്നാണ് ചിത്രം നിർമ്മിച്ചിരിക്കുന്നത്.