കോഴിക്കോട്: 80:20 അനുപാതം റദ്ദാക്കിയ ഹൈക്കോടതി വിധിക്കെതിരെ സര്ക്കാര് അപ്പീല് പോകരുതെന്ന് സിറോ മലബാര് സഭ. കാലങ്ങളായി നിലനിന്ന അനീതി പരിഹരിക്കാനുള്ള കോടതി ഇടപെടല് സ്വാഗതാര്ഹമാണെന്നും ക്രിസ്തീയ പിന്നോക്കാവസ്ഥ പഠിക്കുന്ന കോശി കമ്മീഷന്റെ നടപടി വേഗത്തിലാക്കണമെന്നും സഭാ വക്താവ് ഡോ.ചാക്കോ കാളാമ്പറില് പറഞ്ഞു.92 ലെ ന്യൂനപക്ഷ നിയമത്തിന്റെ അടിസ്ഥാനത്തില് വന്ന സച്ചാര് കമ്മിറ്റി തന്നെ എല്ലാ ന്യൂനപക്ഷങ്ങള്ക്കും കിട്ടേണ്ടുന്ന അവകാശങ്ങള് എടുത്തുപറയുന്നുണ്ട്. എന്നാല് കേരളത്തില് ഇത് പടിപടിയായി അട്ടിമറിയ്ക്കപ്പെട്ടു. ഈ സാഹചര്യത്തിലാണ് പാലൊളി പോലും 80:20 അനുപാതത്തെ തള്ളിപ്പറയുന്നതെന്നും അദ്ദേഹം കൂട്ടിച്ചേര്ത്തു. ഹൈക്കോടതിയുടേത് ന്യായമായ വിധിയാണെന്ന് കേരള കോണ്്ഗ്രസ് നേതാവ് പി ജെ ജോസഫും വ്യക്തമാക്കി.
2021-05-30