കൗറി: ലോകത്തിലെ ഏറ്റവും ഉയരമുള്ള റെയില്വേ പാലത്തിന്റെ കമാനനിര്മാണം പൂര്ത്തിയായി. ചെനാബ് നദിക്ക് കുറുകെ ജമ്മു കാശ്മീരിലെ റിയാസി ജില്ലയിലെ കൗറി ഗ്രാമത്തിലാണ് പാലം നിര്മിക്കുന്നത്. പാലത്തിന് നദീതടത്തില്നിന്ന് 359 മീറ്ററാണ് ഉയരം.മാത്രമല്ല, റെയില്വേയുടെ ചരിത്രത്തില് തന്നെ 2.74 ഡിഗ്രി വളച്ച് പാലത്തിനായി കമാനം നിര്മിക്കുന്നത് ആദ്യമായാണ്. പാലത്തിന് 120 വര്ഷമാണ് റെയില്വേ കണക്കാക്കുന്ന ആയുസ്.
ഉദ്ധംപൂര്-ശ്രീനഗര്-ബരാമുല്ല റെയില്വേ ലിങ്ക് പദ്ധതിയുടെ ഭാഗമായി 1486 കോടി മുതല്മുടക്കിലാണ് പാലം നിര്മിക്കുന്നത്.
കമാനത്തിന്റെ അവസാനഘട്ട നിര്മാണ പ്രവൃത്തികള് കേന്ദ്ര റെയില്വേ മന്ത്രി പീയൂഷ് ഗോയല്, റെയില്വേ ബോര്ഡ് ചെയര്മാനും സി.ഇ.ഒയുമായ സുനീത് ശര്മ, നോര്ത്തേണ് റെയില്വേ ജനറല് മാനേജര് അശുതോഷ് ഗംഗലും വീഡിയോ കോണ്ഫറന്സിലൂടെ വീക്ഷിച്ചു.