തിരുവനന്തപുരം: ലോക്ഡൗണില് അടിയന്തരയാത്രകള്ക്കുള്ള ഇ-പാസ് ഇനി മുതല് പൊല്-ആപ്പിലൂടേയെും. കേരളാ പൊലീസിന്റെ ഔദ്യോഗിക മൊബൈല് ആപ്ലിക്കേഷനായ പോല്ആപ്പ് ആപ് സ്റ്റോറില് നിന്നോ പ്ലേ സ്റ്റോറില് നിന്നോ ഡൗണ്ലോഡ് ചെയ്യാം. ഹോം സ്ക്രീനിലെ സേവനങ്ങളില് നിന്ന് പോല്പാസ് എന്ന ഓപ്ഷന് തിരഞ്ഞെടുത്ത് ആവശ്യമായ വിവരങ്ങള് നല്കി രജിസ്റ്റര് ചെയ്യാം. പാസ് അനുവദിച്ചാല് രജിസ്റ്റര് ചെയ്ത മൊബൈല് നമ്പരില് ലിങ്ക് ലഭിക്കും. ഈ ലിങ്കില് ക്ലിക്ക് ചെയ്യുമ്പോള് ക്യുആര് കോഡോടു കൂടിയ പാസ് കിട്ടും.കൂലിപ്പണിക്കാര്, ദിവസവേതനക്കാര്, വീട്ടുജോലിക്കാര് എന്നിവര്ക്ക് ഒരാഴ്ച വരെ സാധുതയുളള പാസിനായി അപേക്ഷിക്കാം.അവശ്യസേവന സ്ഥാപനങ്ങളില് ജോലി ചെയ്യുന്നവര്ക്ക് യാത്ര ചെയ്യാന് സ്ഥാപനങ്ങളിലെ തിരിച്ചറിയല് കാര്ഡ് മതിയാകും.
2021-05-13