തിരുവനന്തപുരം: സംസ്ഥാനത്ത് മൂന്ന് പേര്ക്ക് സിക്ക വൈറസ്.തലസ്ഥാനത്തെ സ്വകാര്യ ആശുപത്രിയില് നിന്നും കോയമ്പത്തൂര് ലാബില് അയച്ച സാമ്പിളിലാണ് സിക്ക വൈറസ് സ്ഥിരീകരിച്ചതെന്ന് ആരോഗ്യ മന്ത്രി വീണാ ജോര്ജ് അറിയിച്ചു.46 വയസുള്ള പുരുഷനും 22 മാസം പ്രായമുള്ള കുഞ്ഞിനും 29 വയസുള്ള ആശുപത്രി ജീവനക്കാരിക്കുമാണ് സിക്ക സ്ഥിരീകരിച്ചത്.ഇതോടെ സംസ്ഥാനത്ത് സിക്ക വൈറസ് ബാധ സ്ഥിരീകരിച്ചവരുടെ എണ്ണം 18 ആയി.
സിക്ക വൈറസ് പരിശോധന നടത്താന് സംസ്ഥാനം സുസജ്ജമാണെന്ന് ആരോഗ്യ വകുപ്പ് മന്ത്രി വീണാ ജോര്ജ് അറിയിച്ചിട്ടുണ്ട്.തിരുവനന്തപുരം, തൃശൂര്, കോഴിക്കോട് മെഡിക്കല് കോളേജുകള്, ആലപ്പുഴ എന്.ഐ.വി. യൂണിറ്റ് എന്നിവിടങ്ങളിലാണ് ആദ്യഘട്ടമായി സിക്ക വൈറസ് പരിശോധന നടത്തുന്നത്. എന്.ഐ.വി. പുണെയില് നിന്നും ഈ ലാബുകളിലേക്ക് സിക്ക വൈറസ് പരിശോധന നടത്താന് കഴിയുന്ന 2100 പി.സി.ആര്. കിറ്റുകള് ലഭിച്ചിട്ടുണ്ട്. തിരുവനന്തപുരം 1000, തൃശൂര് 300, കോഴിക്കോട് 300, ആലപ്പുഴ എന്.ഐ.വി. 500 എന്നിങ്ങനെയാണ് ടെസ്റ്റ് കിറ്റുകള് ലഭിച്ചത്.