ന്യൂഡല്ഹി: കോവിഡ് ബാധിച്ച് സിപിഎം ജനറല് സെക്രട്ടറി സീതാറാം യെച്ചൂരിയുടെ മകന് ആശിഷ് യെച്ചൂരി അന്തരിച്ചു. 33 വയസ്സായിരുന്നു. മാധ്യമപ്രവര്ത്തകനായിരുന്ന ആശിഷ് കോവിഡ് ബാധിതനായി ഗുഡ്ഗാവിലുള്ള മേദാന്ത മെഡിസിറ്റിയില് ചികിത്സയിലായിരുന്നു. ഇന്ന് പുലര്ച്ചെയാണ് സ്ഥിതി ഗുരുതരമായതും മരണം സംഭവിച്ചതും. ഇന്ദ്രാണി മജുംദാറാണ് ആശിഷിന്റെ അമ്മ. സ്വാതിയാണ് ഭാര്യ. അഖില യെച്ചൂരി സഹോദരിയാണ്.
മകന് കൊവിഡ് ബാധിച്ചതിനെത്തുടര്ന്ന് സീതാറാം യെച്ചൂരി സ്വയം ക്വാറന്റീനിലായിരുന്നു. പശ്ചിമബംഗാളിലെ തെരഞ്ഞെടുപ്പ് പ്രചാരണത്തില് യെച്ചൂരി പങ്കെടുത്തിരുന്നില്ല.
2021-04-22