കൊച്ചി: ഒരു ദിവസം ഒരു ലക്ഷം പേര്ക്കുളള ഓക്സിജന് ഉത്പാദിപ്പിച്ച് സൗജന്യമായി നല്കാന് റിലയന്സ്. രാജ്യത്തുടനീളമുളള ഗുരുതരമായ രോഗികളുടെ ചികിത്സയ്ക്കായി മെഡിക്കല് ഗ്രേഡ് ലിക്വിഡ് ഓക്സിജന്റെ ലഭ്യത ഉറപ്പ് വരുത്താനായി റിലയന്സ് ദിവസേന 1000 മെട്രിക് ടണ് മെഡിക്കല് ഗ്രേഡ് ലിക്വിഡ് ഓക്സിജന്റെ ഉത്പാദന ദൗത്യം ഏറ്റെടുത്തിരിക്കുകയാണ്. ജാംനഗറിലെ റിഫൈനറി-കം-പെട്രോകെമിക്കല് കോംപ്ലക്സിലും മറ്റ് ഫാക്ടറികളിലും, ഇപ്പോള് പ്രതിദിനം1000 മെട്രിക് ടണ് മെഡിക്കല് ഗ്രേഡ് ലിക്വിഡ് ഓക്സിജന്റെ ഉത്പാദനം പ്രവര്ത്തനക്ഷമാക്കി. 2020 മാര്ച്ചില് പാന്ഡെമിക് ആരംഭിച്ചതുമുതല് റിലയന്സ് രാജ്യത്തുടനീളം55,000 മെട്രിക് ടണ് മെഡിക്കല് ഗ്രേഡ് ലിക്വിഡ് ഓക്സിജന് വിതരണം ചെയ്തു.ഓക്സിജന് സംസ്ഥാനങ്ങളില് എത്തിക്കാന് ഇന്ത്യന് സര്ക്കാരിന്റെ പ്രസക്തമായ റെഗുലേറ്ററി ബോഡിയായ പെട്രോളിയം ആന്ഡ് എക്സ്പ്ലോസീവ് സേഫ്റ്റി ഓര്ഗനൈസേഷന് (പെസോ) അംഗീകരിച്ച നൂതനവും സുരക്ഷിതവുമായ പ്രക്രിയകളിലൂടെ റിലയന്സ് നൈട്രജന് ടാങ്കറുകളെ മെഡിക്കല് ഗ്രേഡ് ഓക്സിജനുമായി ട്രാന്സ്പോര്ട്ട് ട്രക്കുകളാക്കി മാറ്റി. രാജ്യത്തെ മെഡിക്കല് ഗ്രേഡ് ലിക്വിഡ് ഓക്സിജന്റെ ഗതാഗത തടസ്സങ്ങള് നീക്കാന് ഈ ഐഎസ്ഒ പാത്രങ്ങള് സഹായിക്കും.റിലയന്സ് കുടുംബത്തിലെ ശോഭയുള്ള,ചെറുപ്പക്കാരായ യുവാക്കള് കാണിക്കുന്ന നിശ്ചയദാര്ഢ്യവും ലക്ഷ്യബോധവും എന്നെ ശരിക്കും വിനയാന്വിതനാക്കുന്നു എന്ന് മുകേഷ് അംബാനി പറഞ്ഞു.
2021-05-02