ജെറുസലേം: കൊറോണയ്‌ക്കെതിരെ പോരാടുന്ന ഇന്ത്യയ്ക്ക് ഇസ്രായേലിന്റെ കൈത്താങ്ങ്. മെഡിക്കല്‍ ഓക്‌സിജന്‍ അടക്കമുള്ള സാധനങ്ങളുമായാണ് ഇസ്രയേലില്‍് നിന്നുള്ള വിമാനം ഇന്ത്യയില്‍ ഇറങ്ങിയത്. ഇസ്രയേലിന്റെ ഉറ്റ സുഹൃത്തായ രാജ്യത്തോടൊപ്പം നില്‌ക്കേണ്ടത് തങ്ങളുടെ കടമയാണെന്ന് ഇന്ത്യയിലെ ഇസ്രായേല്‍് അംബാസഡര്‍ഡോ. റോണ്‍ മാല്‍ക്ക പറഞ്ഞു. ഇസ്രായേല്‍ ആരോഗ്യ ഉപകരണങ്ങള്‍ വിതരണം ചെയ്തതിന്റെ മൂന്നാം ഘട്ടമാണിത്. വൈദ്യസഹായവുമായുള്ള രണ്ടാമത്തെ വിമാനം മെയ് ആറിന് എത്തിയിരുന്നു. ഇന്ത്യ ഇസ്രായേലിന്റെ അടുത്ത സുഹൃത്താണെന്നും ഭീകരര്‍ ഞങ്ങള്‍ക്കെതിരെ യുദ്ധം നടത്തുന്ന പ്രതികൂലമായ ഈ സാഹചര്യത്തിലും ഞങ്ങള്‍ ഇന്ത്യക്കൊപ്പമുണ്ടെന്നും ഇരു രാജ്യങ്ങളും തമ്മില്‍ രാഷ്ട്രീയ, സാമ്പത്തിക, സുരക്ഷാ പ്രശ്‌നങ്ങളില്‍ പരസ്പരം ആശ്രയിക്കാറുണ്ടെന്നും അടിയന്തര ഘട്ടങ്ങളില്‍ ഇരുരാജ്യങ്ങളും പരസ്പരം സഹായിക്കാറുണ്ടെന്നും ആ ദൗത്യമാണ് തങ്ങള്‍ നിറവേറ്റുന്നതെന്നും ഇസ്രയേല്‍ അറിയിച്ചു.
2021-05-18