മക്ക: മക്കയിലേക്ക് തീര്‍ത്ഥാടനം നടത്തുന്നവര്‍ രണ്ട് ഡോസ് വാക്‌സിന്‍ എടുത്തിരിക്കണമെന്ന് സൗദി. മക്കയിലെ ഗ്രാന്‍ഡ് പള്ളിയില്‍ ഉംറയും പ്രാര്‍ത്ഥനയും നടത്തണമെങ്കില്‍ രോഗപ്രതിരോധ കുത്തിവയ്പ്പ് എടുത്തിരിക്കണമെന്നും അല്ലെങ്കില്‍ വൈറസ് രോഗം ഭേദമായവര്‍ക്ക് മാത്രമേ അനുമതി നല്‍കുവെന്നും സൗദി അധികൃതര്‍ അറിയിച്ചു.അതേസമയം, രാജ്യത്ത് രോഗ വ്യാപനത്തിന്റെ തോത് വര്‍ദ്ധിക്കുകയാണെങ്കില്‍ തീര്‍ത്ഥാടനവുമായി ബന്ധപ്പെട്ട് നിയമങ്ങള്‍ ഇനിയും ഭേദഗതിവരുത്തുമെന്നും കരുതപ്പെടുന്നു. 34 ദശലക്ഷത്തിലധികം ജനസംഖ്യയുള്ള രാജ്യത്ത് 39 ലക്ഷത്തിലധികം പേര്‍ക്ക് രോഗം ബാധിച്ചിരുന്നു.. നിലവില്‍ 5 ദശലക്ഷത്തോളം പേര്‍ക്ക് ഇതുവരെ കൊവിഡ് വാക്‌സിന്‍ നല്‍കിയിട്ടുണ്ടെന്ന് ആരോഗ്യമന്ത്രാലയം അറിയിച്ചു.
2021-04-08