തിരുവനന്തപുരം: കേരളമെഴുതിയ വിധിയെന്തെന്നറിയാന് ഇനി അല്പസമയം മാത്രം. കേരളത്തോടൊപ്പം തമിഴ്നാട്, പശ്ചിമബംഗാള്, പുതുച്ചേരി, അസം എന്നീ നിയമസഭകളിലേക്കും മലപ്പുറം ലോക്സഭയിലേക്കടക്കം നടന്ന ഉപതിരഞ്ഞെടുപ്പുകളിലേയും ജനവിധി ഇന്നാണ്. 114 കേന്ദ്രങ്ങളിലായി 633 കൗണ്ടിംഗ് ഹാളുകളാണ് സംസ്ഥാനത്ത് സജ്ജമാക്കിയിരിക്കുന്നത്. ഓരോ വോട്ടെണ്ണല് കേന്ദ്രത്തിലും നാലു വരെ ഹാളുകളാണ് ഉപയോഗിക്കുന്നത്.ശനിയാഴ്ച വരെ തിരികെ ലഭിച്ച തപാല് ബാലറ്റുകള് 4,56,771 ആണ്.
എന്നാല്, വോട്ടെണ്ണലിന് ശേഷമുള്ള വിജയാഹ്ലാദപ്രകടനങ്ങള്ക്കായി ഇറങ്ങുന്നത് തടഞ്ഞിട്ടുണ്ട്. കോവിഡ് നിയന്ത്രണങ്ങളും സാഹചര്യത്തില് പൊതുനിരത്തുകളില് ശക്തമായ പൊലീസ് സാന്നിധ്യവും പരിശോധനയുമുണ്ടാകും. കേന്ദ്ര സായുധ പോലീസ് സേനാംഗങ്ങള് ഉള്പ്പെടെയുള്ളവര് സുരക്ഷയ്ക്കുണ്ട്. 140 വോട്ടെണ്ണല് കേന്ദ്രങ്ങളിലും കൂടുതല് സേനയെ നിയോഗിച്ചിട്ടുണ്ട്.