ആലപ്പുഴ: വേമ്പനാട്ട് കായലില്‍ നെടിയത്തുരുത്തിയിലുള്ള കാപ്പിക്കോ റിസോര്‍ട്ട് പൊളിച്ചുനീക്കുന്നതിനായി ആവശ്യമായ പാരിസ്ഥിതിക പ്ലാന്‍ രൂപകല്പന ചെയ്യുന്നതിന് സബ് കളക്ടറുടെയും എന്‍വയോണ്മെന്റ് എന്‍ജിനീയറുടെയും നേതൃത്വത്തില്‍് പ്രത്യേക കമ്മറ്റി രൂപവല്ക്കരിക്കാന്‍് വ്യാഴാഴ്ച ജില്ല കലക്ടറുടെ ചേംബറില്‍ ചേര്‍ന്ന യോഗം തീരുമാനിച്ചു. കായലിലേക്ക് കെട്ടിടം പൊളിക്കുമ്പോള്‍ അവശിഷ്ടങ്ങള്‍ വരരുതെന്നും സ്‌ഫോടനം നടത്തുന്നത് ഒഴിവാക്കേണ്ടിവരുമെന്നും കളക്ടര്‍ അറിയിച്ചു. എന്‍വയോണ്മെന്റ് പ്ലാന്‍ കമ്മിറ്റിയില്‍ സബ് കളക്ടര്‍, എന്‍വയോണ്മെന്റ് ് എഞ്ചിനീയര്‍്, ജിയോളജി വകുപ്പ് പ്രതിനിധി, ടൗണ്‍ പ്ലാനര്‍, ഇറിഗേഷന്‍ എക്‌സിക്യൂട്ടീവ് എന്‍ജിനിയര്‍, പിഡബ്ല്യുഡി ബില്‍ഡിംഗ്‌സ് എക്‌സിക്യൂട്ടീവ് എഞ്ചിനീയര്‍ എന്നിവര്‍ അംഗങ്ങളാണ്. റിസോര്‍ട്ട് പൊളിച്ചുനീക്കുന്നതിന് പാണാവള്ളി പഞ്ചായത്ത് സെക്രട്ടറിക്ക് കോടതി വിധിപ്രകാരം ഉത്തരവ് നല്കിയെങ്കിലും അടിസ്ഥാന സൗകര്യങ്ങളുടെ പരിമിതിയും പാരിസ്ഥിതിക പ്രശ്‌നങ്ങളും പരിഗണിച്ച് റിസോര്‍ട്ട് പൊളിച്ച് നീക്കുന്നതിന് ആവശ്യമായ മേല്‍നോട്ടവും സാങ്കേതിക സഹായവും ജില്ലകളക്ടറില്‍ നിന്ന് പഞ്ചായത്ത് അഭ്യര്‍ത്ഥിച്ചിരുന്നു.
2021-04-17