ഡെറാഡൂണ്: ബാബ രാം ദേവിനെതിരെ 1000 കോടിയുടെ മാനനഷ്ടക്കേസ് നല്കി ഐഎംഎ. അലോപ്പതിയെയും, അലോപ്പതി ഡോക്ടര്മാരെയും അപമാനിച്ചുവെന്ന് ചൂണ്ടിക്കാട്ടിയാണ് നോട്ടീസ്. രാംദേവിന്റെ പ്രസ്താവന സംഘടനയില് അംഗമായ ഡോക്ടര്മാരുടെ സേവനത്തെയും മാന്യതയെയും കളങ്കപ്പെടുത്തുന്നതാണെന്ന് വക്കീല്് നീരജ് പാണ്ഡേ വഴി അയച്ച നോട്ടീസ് ആരോപിക്കുന്നു. ഇന്ത്യന് മെഡിക്കല് അസോസിയേഷന് സെക്രട്ടറി അജയ് ഖന്നയുടെ പേരിലാണ് നോട്ടീസ് അയച്ചിരിക്കുന്നത്. അലോപ്പതി ചികിത്സ വിഡ്ഢിത്തമാണെന്ന രാംദേവിന്റെ പ്രസ്താവനയ്ക്കെതിരേ ഇന്ത്യന് മെഡിക്കല് അസോസിയേഷന് നേരത്തേ രംഗത്തെത്തിയിരുന്നു. കൊവിഡ് രോഗികളിലെ ചികിത്സയ്ക്കായി ഡ്രഗ്സ് കണ്ട്രോളര് ജനറല് അനുമതി നല്കിയ റംഡിസീവര്, ഫവിഫ്ലൂ തുടങ്ങിയ മരുന്നുകള് പരാജയമാണെന്നുമാണ് രാംദേവ് പറഞ്ഞത്.പരാമര്ശം വിവാദമായതോടെ രാംദേവിനോട് പ്രസ്താവന പിന്വലിക്കണമെന്ന് കേന്ദ്ര ആരോഗ്യമന്തി ഹര്ഷവര്ധന് ആവശ്യപ്പെട്ടിരുന്നു. കോവിഡ് മുന്നണിപ്പോരാളികളുടെ ആത്മധൈര്യം ചോര്ത്തുന്ന പ്രസ്താവന പിന്വലിക്കണമെന്ന് രാംദേവിനു നല്കിയ കത്തില് കേന്ദ്രമന്ത്രി ആവശ്യപ്പെട്ടു.
2021-05-27