‘ന്റിക്കാക്കാക്കൊരു പ്രേമണ്ടാര്ന്ന്’ എന്ന ചിത്രത്തിലൂടെ ആറു വര്ഷത്തിന് ശേഷം മലയാള സിനിമയില് വീണ്ടും സജീവമാകുന്ന ഭാവനയ്ക്ക് ആശംസകളുമായി സിനിമാ ലോകം. മാധവന്, കുഞ്ചാക്കോ ബോബന്, ജാക്കി ഷെറോഫ്, ജിതേഷ് പിള്ള, പാര്വതി തിരുവോത്ത്, മഞ്ജു വാര്യര്, ടൊവിനോ തോമസ് തുടങ്ങിയവരുടെ വീഡിയോ സന്ദേശം സോഷ്യല് മീഡിയയില് വൈറലായി.
ആദില് മൈമുനത്ത് അഷ്റഫാണ് ചിത്രം സംവിധാനം ചെയ്യുന്നത്. ഷറഫുദ്ദീനാണ് ഭാവനയ്ക്കൊപ്പം കേന്ദ്രകഥാപാത്രത്തെ അവതരിപ്പിക്കുന്നത്. ബിജി ബാല് പശ്ചാത്തല സംഗീതം നിര്വഹിക്കുന്നു. ബോണ്ബോമി എന്റര്ടെയ്ന്മെന്റ്സിന്റെ ബാനറില് റെനീഷ് അബ്ദുള് ഖാദര് ആണ് ചിത്രം നിര്മ്മിക്കുന്നത്. 2017ല് പുറത്തിറങ്ങിയ ആദം ജോണിലാണ് ഭാവന മലയാളത്തില് ഒടുവില് അഭിനയിച്ചത്. ഷാജി കൈലാസ്, ഭദ്രന് എന്നിവരുടെ ചിത്രങ്ങളാണ് ഭാവനയുടെ മലയാളത്തിലെ മറ്റ് പ്രോജക്ടുകള്.