ഡല്ഹി: കൂട്ട പിരിച്ചുവിടല് നടത്തി ഗൂഗിള് ഇന്ത്യ. 453 ജീവനക്കാരെയാണ് ഗൂഗിള് ഇന്ത്യയില് പിരിച്ചുവിട്ടത്. പിരിച്ചുവിട്ട വിവരം ഇമെയില് വഴിയാണ് ജീവനക്കാരെ അറിയിച്ചത്. വ്യാഴാഴ്ച രാത്രിയാണ് പിരിച്ചുവിടല് ഇ-മെയില് ജീവനക്കാര്ക്ക് ലഭിച്ചത്.
ഗൂഗിള് ഇന്ത്യ വൈസ് പ്രസിഡന്റ് സഞ്ജയ് ഗുപ്തയാണ് ഇ-മെയില് അയച്ചത്. പിരിച്ചുവിടലിന്റെ പൂര്ണ ഉത്തരവാദിത്തം തനിക്കാണെന്ന് സിഇഒ സുന്ദര് പിച്ചൈ പറഞ്ഞതായി ഇ-മെയിലില് പറയുന്നു. അതേസമയം, ആഗോളതലത്തില് 12,000 ത്തോളം ജീവനക്കാരെ പിരിച്ചുവിടാന് ഗൂഗിള് പദ്ധതിയിടുന്നതായും റിപ്പോര്ട്ടുകളുണ്ട്. എന്നിരുന്നാലും, കമ്ബനി എത്ര ജീവനക്കാരെ പിരിച്ചുവിട്ടു എന്നതിനെക്കുറിച്ച് കൃത്യമായ കണക്കുകള് ലഭ്യമല്ല.