ആലപ്പുഴ മെഡിക്കല് കോളേജില് പ്രസവത്തെ തുടര്ന്ന് അമ്മയും കുഞ്ഞും മരിച്ച സംഭവത്തില് അന്വേഷണത്തിന് ഉത്തരവിട്ട് ആരോഗ്യ വകുപ്പ് മന്ത്രി വീണാ ജോര്ജ്. മെഡിക്കല് വിദ്യാഭ്യാസ വകുപ്പ് ഡയറക്ടറോട് വിദഗ്ധ സമിതി രൂപീകരിച്ച് അന്വേഷണം നടത്തി റിപ്പോര്ട്ട് നല്കാനാണ് മന്ത്രിയുടെ നിര്ദ്ദേശം.
ആലപ്പുഴ കൈനകരി കായിത്തറ വീട്ടില് രാംജിത്തിന്റെ ഭാര്യ അപര്ണ്ണയും കുഞ്ഞുമാണ് മരിച്ചത്. ആലപ്പുഴ മെഡിക്കല് കോളേജിലെ ചികിത്സാ പിഴവാണ് മരണ കാരണമെന്ന് ബന്ധുക്കള് ആരോപിച്ചു. ലേബര്മുറിയില് പരിചരിച്ച ഡോക്ടര്മാര് ഉള്പ്പെടെയുള്ള മുഴുവന് ജീവനക്കാര്ക്കെതിരെയും ബന്ധുക്കള് പരാതി നല്കിയിട്ടുണ്ട്.
അപര്ണ ഇന്ന് രാവിലെ അഞ്ചുമണിയോടെയാണ് മരിച്ചത്. കുട്ടി ഇന്നലെ രാത്രിയോടെ മരിച്ചിരുന്നു.