ശബരിമല: സുപ്രീംകോടതി വിധി പ്രകാരം എല്ലാ തീര്ത്ഥാടകര്ക്കും ശബരിമലയിലേക്ക് തീര്ത്ഥാടനം അനുവദിച്ചിട്ടുണ്ടെന്ന് പോലീസിന് നല്കിയ കൈപ്പുസ്തകത്തിലെ നിര്ദ്ദേശം പിന്വലിക്കുമെന്ന് ദേവസ്വം മന്ത്രി കെ. രാധാകൃഷ്ണന് അറിയിച്ചു.
സര്ക്കാരിനും ദേവസ്വം ബോര്ഡിനും ദുരുദ്ദേശം ഇല്ലെന്നും മന്ത്രി വാര്ത്താ സമ്മേളനത്തില് വ്യക്തമാക്കി. സ്ത്രീ പ്രവേശനുമായി ബന്ധപ്പെട്ട കേസ് സുപ്രീം കോടതിയുടെ പരിഗണനയിലാണ്. അതില് അന്തിമ തീരുമാനം വരുന്നത് വരെ മുന്പ് ഉണ്ടായ അതേ രീതിയില് പ്രവേശനം തുടരുമെന്നും അദ്ദേഹം കൂട്ടിച്ചേര്ത്തു.
അതേസമയം, ബിജെപി സംസ്ഥാന പ്രസിഡണ്ട് കെ. സുരേന്ദ്രനടക്കം ഈ നിര്ദ്ദേശത്തിനെതിരെ കടുത്ത ഭാഷയില് രംഗത്ത് വന്നിരുന്നു. വിശ്വാസികള് ഒരിക്കല് തിരുത്തിച്ചതാണെന്നും വീണ്ടും അവിവേകത്തിന് മുതിര്ന്നാല് പഴയതൊന്നും ഓര്മ്മിപ്പിക്കരുതെന്നും സുരേന്ദ്രന് ഫേസ്ബുക്ക് കുറിപ്പില് ചൂണ്ടിക്കാട്ടി.