കൊല്‍ക്കത്ത: ഏഷ്യന്‍ കപ്പ് യോഗ്യത തേടി ഇന്ത്യ ഇന്ന് കംബോഡിയക്കെതിരെ. ഇറങ്ങും. കംബോഡിയ, അഫ്ഗാനിസ്ഥാന്‍, ഹോങ്കോങ് എന്നിവരാണ് ഇന്ത്യയുടെ ഗ്രൂപ്പിലുള്ളത്. ഈ മൂന്ന് മത്സരങ്ങളും വിജയിച്ച് ഇന്ത്യ ഗ്രൂപ്പില്‍ ഒന്നാമത് എത്തുമെന്നാണ് ഇന്ത്യന്‍ ഫുട്ബോള്‍ ആരാധകരുടെ പ്രതീക്ഷ.
എന്നാല്‍, ഏഷ്യന്‍ കപ്പിനായുള്ള ഒരുക്കവും സ്റ്റിമാചിന് കീഴിലുള്ള ഇന്ത്യയുടെ പ്രകടനവും ഇന്ത്യന്‍ ഫുട്ബോള്‍ പ്രേമികള്‍ക്ക് ആശങ്ക നല്‍കുന്നുണ്ട്. ജോര്‍ദാനെതിരായ അവസാന മത്സരത്തില്‍ ഇന്ത്യ തോറ്റിരുന്നു.
ഇന്ന് നടക്കുന്ന മത്സരത്തില്‍ മികച്ച ഇലവനെ ആകും ഇന്ത്യ ഇറക്കുക. യുവതാരം ലിസ്റ്റണ്‍ സുനില്‍ ഛേത്രിക്ക് ഒപ്പം ആദ്യ ഇലവനില്‍ തന്നെ ഇറങ്ങുമെന്നാണ് പ്രതീക്ഷ. മലയാളി താരങ്ങളായ സഹല്‍ അബ്ദുല്‍ സമദും ആഷിഖ് കരുണിയനും ടീമിനൊപ്പം ഉണ്ടാകും.