തിരുവനന്തപുരം: തിരുവിതാംകൂര് ദേവസ്വം ബോര്ഡിന് കീഴിലുള്ള ചില ക്ഷേത്രങ്ങളില് ആര്എസ്എസ് ശാഖ യോഗം ചേരുന്നതായും മാസ് ഡ്രില് നടത്തുന്നതായും ദേവസ്വം കമ്മീഷണറുടെ അന്വേഷണത്തില് കണ്ടെത്തിയതായി ദേവസ്വം വകുപ്പ് മന്ത്രി കെ. രാധാകൃഷ്ണന് നിയമസഭയില് അറിയിച്ചു.
ഇത്തരം പ്രവര്ത്തനങ്ങള് തടയുന്നതിനായി മലബാര് ദേവസ്വം ബോര്ഡിന് കീഴിലെ ക്ഷേത്രഭരണാധികള്ക്ക് നിര്ദ്ദേശം നല്കിയിട്ടുണ്ട്. കൂടാതെ, ഡെപ്യൂട്ടി ദേവസ്വം കമ്മീഷണര്, അസിസ്റ്റന്റ് ദേവസ്വം കമ്മീഷണര്, അഡ്മിനിസ്ട്രേറ്റീവ് ഓഫീസര് എന്നിവരെ പരിശീലനം തടയാന് ചുമതലപ്പെടുത്തി 2021 മാര്ച്ച് 30ന് സര്ക്കുലര് പുറപ്പെടുവിച്ചിരുന്നുവെന്നും മന്ത്രി വ്യക്തമാക്കി. ഗുരുവായൂര്, കൊച്ചി, കൂടല്മാണിക്യം ദേവസ്വങ്ങളുടെ കീഴിലുള്ള ക്ഷേത്രങ്ങളില് ആര്എസ്എസിന്റെ പ്രവര്ത്തനങ്ങള് ഇതുവരെ ശ്രദ്ധയില്പ്പെട്ടിട്ടില്ലെന്നും അദ്ദേഹം കൂട്ടിച്ചേര്ത്തു.

