കൊച്ചി: നടിയെ ആക്രമിച്ച കേസിലെ തുടരന്വേഷണം മാര്ച്ച് ഒന്നിന് പൂര്ത്തിയാക്കി അന്തിമ റിപ്പോര്ട്ട് നല്കാന് ഹൈക്കോടതിയുടെ നിര്ദ്ദേശം. അതേസമയം, 20 സാക്ഷികളുടെ മൊഴിയെടുത്തുവെന്നും, തുടരന്വേഷണം അന്തിമ ഘട്ടത്തിലാണെന്നും, ഡയറക്ടര് ജനറല് ഓഫ് പ്രോസിക്യൂഷന് കോടതിയെ അറിയിച്ചു.
എന്നാല്, ഈ കേസില് മാത്രം എന്താണ് ഇത്ര പ്രത്യേകത? ഒരു സാക്ഷിയുടെ വെളിപ്പെടുത്തലില് എന്താണ് ഇത്രമാത്രം അന്വേഷിക്കാനുള്ളത്? നിലവില് രണ്ട് മാസം പൂര്ത്തിയായി. തുടരന്വേഷണം പൂര്ത്തിയാക്കാന് എത്ര സമയം കൂടി വേണമെന്നും കോടതി ചോദിച്ചു. വിചാരണ പൂര്ത്തിയാക്കാന് സുപ്രീംകോടതി നാല് തവണ സമയം നീട്ടി നല്കിയതും കോടതി ചൂണ്ടിക്കാട്ടി. ബാലചന്ദ്രകുമാര് ഈ 4 വര്ഷം എവിടെ ആയിരുന്നു എന്നും കോടതി ചോദിച്ചു.
അതേസമയം, സമയപരിധി നിശ്ചയിക്കുന്നതില് എതിര്പ്പില്ലെന്ന് പ്രോസിക്യൂഷന് കോടതിയെ അറിയിച്ചു. ബാലചന്ദ്രകുമാറിന്റെ മൊഴിയില് നിന്ന് 81 പോയിന്റുകള് കിട്ടിയെന്നും ഇത് സംബന്ധിച്ച തെളിവും ലഭിച്ചുവെന്നും സര്ക്കാര് കോടതിയെ അറിയിച്ചു. തുടരന്വേഷണം റദ്ദാക്കണമെന്ന ദിലീപിന്റെ ഹര്ജി പരിഗണിക്കുകയായിരുന്നു ഹൈക്കോടതി.