ദുബായ്: ഐപിഎല്ലില് മുംബൈ ഇന്ത്യന്സിനെ 54 റണ്സിന് കീഴടക്കി റോയല് ചലഞ്ചേഴ്സ് ബാംഗ്ലൂര്. ആദ്യം ബാറ്റ് ചെയ്ത ആര്.സി.ബി ആറുവിക്കറ്റ് നഷ്ത്തില് 165 റണ്സെടുത്തപ്പോള് മറുപടിക്കിറങ്ങിയ നിലവിലെ ചാമ്പ്യന്മാര് 18.1 ഓവറില് 111ന് ആള്ഔട്ടായി.
ഹാട്രിക്ക് അടക്കം നാലുവിക്കറ്റ് വീഴ്ത്തിയ ഹര്ഷല് പട്ടേലാണ് ബാംഗ്ലൂരിന്റെ വിജയത്തിന്റെ അമരക്കാരന്. യുവേന്ദ്ര ചഹല് മൂന്ന് വിക്കറ്റും ഗ്ളെന് മാക്സ്വെല് രണ്ട് വിക്കറ്റും വീഴ്ത്തി.
17-ാം ഓവറില്ഹാര്ദിക് പാണ്ഡ്യ, പൊള്ളാഡ്, രാഹുല് ചഹര് എന്നിവരെയാണ് ഹര്ഷല് പട്ടേല് അടുത്തടുത്ത പന്തുകളില് വീഴ്ത്തിയത്. ആര്.സി.ബിക്ക് വേണ്ടി വിരാട് കൊഹ്ലിയും (51)ഗ്ളെന് മാക്സ്വെല്ലും (56) അര്ദ്ധസെഞ്ച്വറികള് നേടിയിരുന്നു.