മാഞ്ചെസ്റ്റര്: വരുമാനത്തില് അര്ജന്റീനിയന് താരം മെസിയെയും പിന്തള്ളി പോര്ച്ചുഗീസ് ഫുട്ബോളര് ക്രിസ്റ്റ്യാനോ റൊണാള്ഡോ. ഫോര്ബ്സ് മാസിക പുറത്തുവിട്ട പുതിയ കണക്കുകള് ക്രിസ്റ്റ്യാനോ നേട്ടം ചൂണ്ടിക്കാട്ടുന്നുണ്ട്.
യുവന്റസില് നിന്ന് മാഞ്ചസ്റ്റര് യുണൈറ്റഡിലേക്കുള്ള തിരിച്ചുവരവാണ് ക്രിസ്റ്റ്യാനോയുടെ സമ്പാദ്യം വര്ദ്ധിച്ചത്. ഫോര്ബ്സിന്റെ കണക്കുകള് പ്രകാരം കളിക്കളത്തില് നിന്നും പരസ്യങ്ങളില്നിന്നുമൊക്കെയായി ക്രിസ്റ്റാനോയുടെ വരുമാനം 125 ദശലക്ഷം ഡോളറാണ് (ഏകദേശം 1083 കോടി രൂപ). ഇതില് 70ദശലക്ഷം ശമ്പളത്തിലൂടെയും ബോണസിലൂടെയും ലഭിച്ചു. ബാക്കിയുള്ള തുകയാണ് പരസ്യങ്ങളില് നിന്ന് ലഭിച്ചത്.
ഈ സീസണില് ബാഴ്സലോണയില് നിന്ന് പി.എസ്.ജിയിലേക്ക് മാറിയ ലയണല് മെസിയുടെ സമ്പാദ്യം 110 ദശലക്ഷം ഡോളറാണ് (ഏകദേശം 952 കോടി രൂപ). 75ദശലക്ഷം ശമ്പളവും ബാക്കി പരസ്യവരുമാനവുമാണ്. പി.എസ്.ജിയുടെ തന്നെ താരങ്ങളായ നെയ്മര് (95ദശലക്ഷം ഡോളര്), കിലിയന് എംബാപ്പെ (43), മൊഹമ്മദ് സലാ (41) എന്നിവരാണ് വരുമാനത്തില് പിന്നിലായുള്ളത്.