ജനപ്രിയ മെസേജിംഗ് ആപ്ലിക്കേഷനായ വാട്ട്സ്ആപ്പില് നിന്നും ഇഷ്ടമില്ലാത്ത ഒരാളെ തടയാനാണ് ബ്ലോക്കിങ് ഓപ്ഷനുള്ളത്. എന്നാല് നിങ്ങളെ ആരെങ്കിലും ബ്ലോക് ചെയ്തിട്ടുണ്ടോയെന്നറിയാന് ആപ്പ് അനുവദിക്കുന്നില്ല. ഈ ഫീച്ചര് നിങ്ങളെ തടഞ്ഞ വ്യക്തിയുടെ സ്വകാര്യത ഉറപ്പുവരുത്താനാണ്.
ബ്ലോക്ക് ചെയ്തു എന്നതിന്റെ പ്രധാനസൂചന ലഭിക്കുന്നത് വാട്ട്സ്ആപ്പ് പ്രൊഫൈല് ചിത്രം കാണാതാവുമ്പോഴാണ്. അല്ലെങ്കില് സ്റ്റാറ്റസ്, ലാസ്റ്റ് സീന് എന്നിവയില് നിന്നാണ്. ഇവ കാണാതായെങ്കില് ഉറപ്പിക്കാം ആ വ്യക്തി നിങ്ങളെ ബ്ലോക്ക് ചെയ്തിരിക്കാം.
എന്നാല് എപ്പോഴും ഇത് ഇങ്ങനെയായിരിക്കണമെന്നില്ല, ചില ഉപയോക്താക്കള് ഈ സെറ്റിങ്ങുകള് എല്ലാവരില് നിന്നും മറച്ചുവെക്കാന് ഇഷ്ടപ്പെടുന്നുവെങ്കില് ഇതൊന്നും കാണാനാവില്ല.
ഇത് ഉറപ്പിക്കാനായി ഒരു പുതിയ അല്ലെങ്കില് നിലവിലുള്ള വാട്ട്സ്ആപ്പ് ഗ്രൂപ്പിലേക്ക് ആളെ ചേര്ക്കാന് ശ്രമിക്കാം. ‘ചേര്ക്കാനായില്ല’ എന്ന് സൂചിപ്പിക്കുന്ന ഒരു സന്ദേശം നിങ്ങള് കാണുകയാണെങ്കില്, അത് ബ്ലോക്ക് മൂലമാകാം. നിങ്ങള്ക്ക് ഒരു വ്യക്തിയെ ഒരു ഗ്രൂപ്പിലേക്ക് ചേര്ക്കാന് കഴിഞ്ഞാല്, ഉപയോക്താവ് നിങ്ങളെ തടഞ്ഞിട്ടില്ലെന്ന് ഉറപ്പിക്കാം.