ബാഴ്സലോണയുടെ കുപ്പായമഴിച്ച ലയണല് മെസ്സി പി എസ് ജിയിലേക്കെന്ന് റിപ്പോര്ട്ടുകള്. മെസ്സിയും പ്രമുഖ എസ് ജിയും തമ്മിലുള്ള ചര്ച്ചകള് അന്തിമഘട്ടത്തിലാണെന്നാണ് റിപ്പോര്ട്ടുകള് ചൂണ്ടിക്കാട്ടുന്നത്.
മെസ്സിക്കായി 2023വരെയുള്ള പ്രാഥമിക കരാര് പി എസ് ജി വാഗ്ദാനം ചെയ്തു കഴിഞ്ഞു. മെസ്സിയുടെ പിതാവായ ജോര്ഗെ മെസ്സിയാണ് ചര്ച്ചകള് നയിക്കുന്നത്. ഉടന് ഈ കരാര് മെസ്സി അംഗീകരിക്കും. വരും ദിവസങ്ങളില് തന്നെ മെസ്സി പി എസ് ജിയുടെ ജേഴ്സി അണിഞ്ഞേക്കുമെന്നാണ് സൂചന.
മെസ്സി പി എസ് ജിയിലേക്ക് ചേക്കേറിയാല് വന് താരനിരതന്നെയാകും ക്ലബില്. എമ്ബപ്പെ, നെയ്മര്, മെസ്സി, ഇക്കാര്ഡി, ഡൊ മറിയ എന്നിവര് അടങ്ങുന്ന അറ്റാക്ക് ലോകത്തിലെ തന്നെ ഏറ്റവും മികച്ച ക്ലബ്ബാക്കി മാറ്റുമെന്നതില് സംശയമില്ല.