ഇന്ന് ഭൂരിഭാഗം പേരും നേരിടുന്ന ആരോഗ്യ പ്രശ്നങ്ങളിലൊന്നാണ് അസിഡിറ്റി. നെഞ്ചെരിച്ചിൽ, വയറെരിച്ചിൽ തുടങ്ങിയവയാണ് അസിഡിറ്റിയുടെ പ്രധാനപ്പെട്ട പ്രശ്നങ്ങൾ. ചിലർക്ക് വയറുവേദനയും അനുഭവപ്പെട്ടേക്കാം.
ഭക്ഷണം കൃത്യമായി കഴിക്കാതിരിക്കുക, ജീവിതശൈലിയിൽ ഉണ്ടായ മാറ്റങ്ങൾ, ഭക്ഷണരീതിയിൽ വരുന്ന മാറ്റങ്ങൾ, മാനസിക സംഘർഷം, തുടങ്ങിയവയാണ് അഡിസിറ്റിയ്ക്കുള്ള പ്രധാന കാരണങ്ങൾ. അസിഡിറ്റി തടയാൻ ശ്രദ്ധിക്കേണ്ട കാര്യങ്ങൾ എന്തൊക്കെയാണെന്ന് നോക്കാം.
കഫൈൻ അടങ്ങിയ ഭക്ഷണം പരമാവധി ഡയറ്റിൽ നിന്നും ഒഴിവാക്കുക. എണ്ണയിൽ വറുത്തതും പൊരിച്ചതുമായ ഭക്ഷണങ്ങൾ, കൊഴുപ്പും എരിവും നിറഞ്ഞ ഭക്ഷണങ്ങൾ എന്നിവയും ഒഴിവാക്കുക. ആസിഡ് അടങ്ങിയ ഓറഞ്ച്, നാരങ്ങ മുതലായ പഴങ്ങൾ അധികം കഴിക്കാതിരിക്കുന്നതാണ് നല്ലത്.
നാരുകൾ അടങ്ങിയ ഭക്ഷണം കഴിക്കണം. ആരോഗ്യകരമായ ഭക്ഷണമായിരിക്കണം ഏപ്പോഴും പിന്തുടരേണ്ടത്. ഭക്ഷണം കഴിച്ചയുടനുളള ഉറക്കം ഒഴിവാക്കുക. രാത്രി ഏറെ നേരം വൈകി ഭക്ഷണം കഴിക്കുന്നത് അത്ര നല്ലതല്ല. അതിനാൽ ആഹാരം കഴിവതും നേരത്തെയാക്കാൻ ശ്രമിക്കണം. അസിഡിറ്റി തടയാൻ ധാരാളം വെള്ളം കുടിക്കണം.
ഉരുളക്കിഴങ്ങ്, ബീൻസ് എന്നിവയും അസിഡിറ്റി ഉണ്ടാക്കാം. ഇവ ഒഴിവാക്കാൻ ശ്രദ്ധിക്കുക. ചിലരിൽ പാൽ, ചായ, വെണ്ണ എന്നിവയും അസിഡിറ്റി ഉണ്ടാക്കാം. അവയും തെരഞ്ഞെടുത്ത് ഒഴിവാക്കാം. സോയാബീൻ, ഓട്സ്, അണ്ടിപ്പരിപ്പ് തുടങ്ങിയ പലതും ചിലർക്ക് അസിഡിറ്റി ഉണ്ടാക്കാം. അച്ചാറുകളും അധികം കഴിക്കരുത്.