തിരുവനന്തപുരം: ഏകദിന ലോകകപ്പിന് വേദിയാകാനൊരുങ്ങി കാര്യവട്ടം ഗ്രീന്ഫീല്ഡ് സ്റ്റേഡിയം. ഇന്റര് നാഷണല് ക്രിക്കറ്റ് കൗണ്സില് ലോകകപ്പിന്റെ ഫിക്സ്ചര് ഔദ്യോഗികമായി പുറത്തുവിട്ടിട്ടില്ലെങ്കിലും മൂന്ന് മത്സരങ്ങള് എങ്കിലും കാര്യവട്ടത്തിന് ലഭിച്ചേക്കുമെന്നാണ് വിവരം. കാലാവസ്ഥ കൂടി പരിഗണിച്ച് ഒക്ടോബറിലെ മത്സരങ്ങളായിരിക്കും കാര്യവട്ടത്തിന് ലഭിക്കുക.
അതേസമയം ഇന്ത്യയുടെ ആദ്യ റൗണ്ട് മത്സരങ്ങളൊന്നും തിരുവനന്തപുരത്തിന് ലഭിക്കാന് സാധ്യതയില്ല. ലോകകപ്പിന് മുന്നോടിയായി ഇന്ത്യയുള്പ്പെടെയുള്ള ടീമുകളുടെ ഏതാനും വാം അപ്പ് മത്സരങ്ങള്ക്കും കാര്യവട്ടം വേദിയാകും.